U Hrodnie milicyja zatrymała 44‑hadovuju žančynu, jakuju padazrajuć u kradziažy dekaratyŭnych tuj z mohiłak «Auls». Pierad tym u milicyju źviarnułasia 85‑hadovaja miascovaja žycharka: jana paviedamiła, što z mahiły jaje svajaka źnikli čatyry ihličnyja drevy.
Padčas apieratyŭnych mierapryjemstvaŭ supracoŭniki RUUS vyśvietlili asobu padazravanaj. Jana raniej była sudzimaj.
Pa materyjałach śledstva, žančyna razam sa spadarožnikam pryjechała na mohiłki, ale paśla naviedvańnia mahiły vyrašyła praciahnuć dzień z ałkaholem. Hrošaj na śpirtnoje nie było, i jana źviarnuła ŭvahu na tui kala adnoj z mahił.
Žančyna vyrvała raśliny i vyniesła ich za miežy mohiłak, płanujučy pradać. Adzin kust jana paśpieła realizavać, astatnija try byli kanfiskavanyja milicyjaj. Suma naniesienaj škody skłała kala 280 rubloŭ.
U dačynieńni da žančyny raspačali kryminalnuju spravu pa artykule «kradziež», jaki praduhledžvaje da troch hadoŭ pazbaŭleńnia voli.
Kamientary