U italjanskaj Modenie aŭtamabil na vysokaj chutkaści ŭjechaŭ u hrupu minakoŭ
Paciarpieli minimum 12 čałaviek, niekatoryja ź ich u ciažkim stanie.
Jak paviedamlajuć italjanskija ŚMI, aŭtamabil ruchaŭsia z vysokaj chutkaściu pa vulicy Via Emilija ŭ centry Modeny. Pa darozie jon źbiŭ niekalkich piešachodaŭ, paśla čaho ŭrezaŭsia ŭ vitrynu kramy.
«My ŭbačyli, jak nabližałasia mašyna — jana kiravałasia prosta na tratuar. Potym rezka paskoryłasia. Jon jechaŭ nie mienš za sto kiłamietraŭ za hadzinu, my bačyli, jak ludzi ŭźlatali ŭ pavietra», — raskazali vidavočcy.
Kiroŭca aŭtamabila taksama atrymaŭ traŭmy pry sutyknieńni i paśla avaryi ŭciok pieššu, papiarednie ŭdaryŭšy nažom čałavieka, jaki sprabavaŭ jaho spynić. Tym nie mienš, za im pahnalisia jašče niekalki čałaviek i nieŭzabavie ź ich dapamohaj jaho zatrymali palicyjanty.
Pavodle danych vydańnia Il Giornale, havorka idzie pra 31‑hadovaha mužčynu tuniskaha pachodžańnia, raniej nie sudzimaha.
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia11
Kamientary