Na nastupnym tydni pryjdzie zusim letniaje ciapło. Choć i z daždžami dy navalnicami
Sinoptyk Dźmitryj Rabaŭ paviedamiŭ u efiry telekanała ANT, što na nastupnym tydni, z 18 pa 24 maja, u Biełaruś pryjdzie sapraŭdnaje letniaje ciapło — tempieratura moža dasiahać +27…+28 hradusaŭ. Adnak nadvorje budzie niaŭstojlivym: čakajucca daždžy, navalnicy i paryvisty viecier.
U pačatku tydnia nadvorje budzie vyznačać paŭdniovy cykłon. U paniadziełak i aŭtorak mahčymyja mocnyja daždžy i navalnicy. Nočču tempieratura składzie prykładna +4…+14, udzień — ad +14 da +25 hradusaŭ.
U sieradu stanie jašče ciaplej: u mnohich rehijonach pavietra prahrejecca da +21…+27, choć miescami zachavajucca karotkačasovyja daždžy i tumany.
U druhoj pałovie tydnia znoŭ pryjduć atmaśfiernyja franty z apadkami. Čakajucca daždžy, miescami navalnicy, a taksama tuman u načnyja i ranišnija hadziny. Tempieratura budzie trymacca ŭ miežach +19…+27 hradusaŭ.
Na vychadnych nadvorje zastaniecca ciopłym, ale ź pieramiennaj vobłačnaściu i karotkimi daždžami. U subotu i niadzielu pavietra prahrejecca da +20…+28 hradusaŭ.
U cełym tempieraturny fon budzie na niekalki hradusaŭ vyšejšy za normu, ale suchoha i stabilnaha nadvorja čakać nie varta.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny15
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary