У Гродне міліцыя затрымала 44‑гадовую жанчыну, якую падазраюць у крадзяжы дэкаратыўных туй з могілак «Аульс». Перад тым у міліцыю звярнулася 85‑гадовая мясцовая жыхарка: яна паведаміла, што з магілы яе сваяка зніклі чатыры іглічныя дрэвы.
Падчас аператыўных мерапрыемстваў супрацоўнікі РУУС высветлілі асобу падазраванай. Яна раней была судзімай.
Па матэрыялах следства, жанчына разам са спадарожнікам прыехала на могілкі, але пасля наведвання магілы вырашыла працягнуць дзень з алкаголем. Грошай на спіртное не было, і яна звярнула ўвагу на туі каля адной з магіл.
Жанчына вырвала расліны і вынесла іх за межы могілак, плануючы прадаць. Адзін куст яна паспела рэалізаваць, астатнія тры былі канфіскаваныя міліцыяй. Сума нанесенай шкоды склала каля 280 рублёў.
У дачыненні да жанчыны распачалі крымінальную справу па артыкуле «крадзеж», які прадугледжвае да трох гадоў пазбаўлення волі.
Каментары