Wildberries, Ozon i «Biełpoštu» pryznali daminantami ŭ Biełarusi
Ciapier ich taryfy pavinny mieć ekanamičnaje abhruntavańnie.
Ministerstva antymanapolnaha rehulavańnia i handlu praviało analiz dvuch rynkaŭ: pasłuh uładalnikaŭ internet-placovak i pasłuh pa nadańni dostupu da adzinaj aŭtamatyzavanaj sistemy ŭliku paštovych adpraŭleńniaŭ.
Pa vynikach pravierki ŭ rejestr uklučyli TAA «IMVBRB», jakoje pradstaŭlaje markietpłejs Wildberries, a taksama hrupu asob u składzie TAA «AZON Markiet Bieł» i TAA «Internet Rašeńni» — markietpłejs Ozon. Jany ŭniesienyja pa pazicyi «pasłuhi ŭładalnikaŭ internet-placovak».
RUP «Biełpošta» ŭklučyli ŭ rejestr pa inšaj pazicyi — «pasłuhi nadańnia dostupu da adzinaj aŭtamatyzavanaj sistemy ŭliku i zachoŭvańnia danych ab pieramiaščeńni rehistravanych paštovych adpraŭleńniaŭ».
Dla ŭsich hetych kampanij ustanoŭleny sposab cenavaha rehulavańnia — paradak ustanaŭleńnia i prymianieńnia taryfaŭ. Heta nie aznačaje, što MARH uvodzić kankretnuju vierchniuju miažu cen abo fiksavanuju staŭku. Subjekty pa-raniejšamu samastojna farmujuć adpusknyja ceny.
Ale ciapier im nieabchodna raspracoŭvać i zaćviardžać ulikovuju palityku ŭ śfiery cenaŭtvareńnia, a taksama składać ekanamičnaje abhruntavańnie ŭžyvanych cen u vyhladzie płanavaj kalkulacyi z rasšyfroŭkaj artykułaŭ vydatkaŭ. Inšymi słovami, taryfy pavinny być nie prosta pryznačanyja, a praličanyja i paćvierdžanyja.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary