Kiraŭnik studyi ZROBIM architects viarnuŭsia ŭ sacsietki paśla zatrymańnia
Kiraŭnik viadomaj architekturnaj studyi ZROBIM architects Andruś Bezdar (Andrej Makoŭski), jaki byŭ zatrymany 9 krasavika, imavierna, vyjšaŭ na volu. Biznesoviec viarnuŭsia ŭ publičnuju prastoru praz 16 sutak paśla chapuna ŭ studyi.
Pieršym paśla pierapynku staŭ post u sacsietkach, pryśviečany novamu prajektu studyi «Serca Vołhi». U karotkim dopisie Makoŭski razvažaje pra bałans tradycyj i sučasnaj architektury.
Na kłapatlivyja zaŭvahi čytačoŭ («za vas usie pieražyvali), a taksama źjedlivyja kamientary, što «zaraz prajekty buduć nazyvacca «serca Vołhi», «rodny Amur», «matuška Rasija», kiraŭnik słavutaj studyi ničoha nie adkazaŭ.
U ofis ZROBIM architects siłaviki prychodzili 9 i 10 krasavika. Kala 50 supracoŭnikaŭ biuro byli zatrymanyja, bolšaść paśla adpuścili.
Firmu abvinavacili ŭ tym, što z 2021 pa 2025 hod jana atrymała niaŭličanaha prybytku na 6 miljonaŭ dalaraŭ. Sukupnuju škodu biudžetu krainy acanili ŭ bolš čym 5 miljonaŭ rubloŭ. U siužecie STB zajavili, što «nie mienš za 60% ad usich zarobkaŭ» supracoŭnikam biuro vypłačvali «ŭ kanviertach».
Suzasnavalnik studyi Andrej Makoŭski (Andruś Bezdar) ciapier pad śledstvam.
Druhi suzasnavalnik, Alaksiej Karabloŭ, žyvie ŭ ZŠA. Kampanija praciahvaje pracavać.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY26
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Nu, i zrazumieła, što ŭsio tavaryšy ŭ pahonach patłumačyli ŭ detalach: i na jakija rachunak hrošy płacić, i kolki, i kaho brać na pazicyju ideołaha ŭ kampaniju.
Kali čałaviečaja hodnaść jość, to čakajem u chutkim časie za miažoj. Kali niama - zastaniecca i prystasujecca.