Miełoni: Zachad pavinien patrabavać kroki napierad ad Pucina, a nie iści jamu nasustrač
Premjer-ministarka Italii Džordža Miełoni padčas sustrečy lidaraŭ Jeŭrasajuza na Kipry zajaviła, što Zachad pavinien patrabavać kankretnych krokaŭ ad Rasii, a nie praciahvać rabić joj sastupki.
Miełoni adznačyła, što za apošni čas zachodnija krainy, u tym liku ZŠA, užo zrabili niekalki žestaŭ u bok Maskvy, ale nie atrymali dziejańniaŭ u adkaz. Tamu, na jaje dumku, ciapier čas źmianić padychod i čakać inicyjatyvy z rasijskaha boku.
«My i amierykancy, asabliva ŭ apošnija miesiacy, zrabili niekalki krokaŭ nasustrač Rasii, a z druhoha boku takoha nie ŭbačyli. Dumaju, nastaŭ čas hetaha zapatrabavać», — padkreśliła Džordža Miełoni.
Hetaja zajava prahučała na fonie abmierkavańnia mahčymaści zaprašeńnia prezidenta Rasii Uładzimira Pucina na samit G20, jaki pavinien adbycca ŭ śniežni ŭ amierykanskim Majami. Jak raniej paviedamlałasia, ideju zaprašeńnia Pucina razhladaje prezident ZŠA Donald Tramp, choć sam jon śćviardžaŭ, što nibyta pakul hetaha nie rabiŭ, ale ličyć udzieł rasijskaha lidara karysnym.
U Kramli, u svaju čarhu, adznačyli, što adnosna farmatu ŭdziełu Rasii ŭ samicie pakul jašče nie vyznačylisia — Pucin moža pajechać i sam, ale nie vyklučana, što krainu moža pradstaŭlać i inšy čałaviek.
Adnosiny pamiž Džordžaj Miełoni i Donaldam Trampam, jakija raniej ličylisia davoli ciopłymi, apošnim časam krychu pahoršylisia. Heta adbyłosia paśla taho, jak Miełoni padtrymała Papu Lva XIV u jaho kanflikcie z Trampam. Niahledziačy na heta, premjer-ministarka Italii padkreślivaje, što ŭ cełym suviazi pamiž jaje krainaj i ZŠA zastajucca tryvałymi.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Prihłašienije na sammit 20-i -eto nie šah navstrieču Putinu(i vriad li Putin pojediet) , eto liš sozdanije usłovij dla pieriehovorov, dažie vojuiuŝije strany, kak Iran i SŠA, viedut pieriehovory, a už tiem boleje formalno nievojuiuŝim boh vieleł
putin, vsio eto, nazyvajet duchom Ankoridža.