Pry raskopkach kala Safii ŭ Połacku znajšli frahmienty ściany XII stahodździa
Ekśpiedycyja Połackaha dziaržaŭnaha ŭniviersiteta znajšła frahmienty ściany XII stahodździa kala Safijskaha chrama ŭ chodzie raskopak, paviedamiŭ karespandentu vydańnia Times.by staršy vykładčyk kafiedry historyi i turyzmu PDU Alaksiej Koc.
Raskopki kala chrama, pabudavanaha ŭ XI stahodździ pry kiravańni słavutaha połackaha kniazia Usiasłava Čaradzieja, inicyjavanyja Połackim historyka-kulturnym muziejem-zapaviednikam.
Daśledavańni praciahvajucca ŭžo dva tydni. U raskopkach udzielničajuć studenty miascovaha ŭniviersiteta. Dalej raboty praciahnucca z pryciahnieńniem vałancioraŭ.
«Raskopki patrebnyja dla taho, kab acanić stan Safijskaha sabora, tamu što ŭ najbližejšy čas pačnucca ramontna-restaŭracyjnyja raboty, jakija praciahnucca bližejšyja piać hadoŭ», — raskazaŭ Alaksiej Koc.
Pavodle jaho słoŭ, raskopki iduć na ŭčastku kala siaredniaviečnaha chrama, jaki raniej nie daśledavaŭsia. Materyjały archieołahaŭ, atrymanyja ŭ 70‑ch i 80‑ch hadach minułaha stahodździa, viadomyja, ale jany drenna apracavanyja. U suviazi z hetym muziej-zapaviednik i vyrašyŭ pravieści dadatkovyja pošuki kala ścien Safii.
«Siońnia my znajšli frahmient ściany XII stahodździa. Viadoma, što da samoha chrama, pabudavanaha ŭ siaredzinie XI stahodździa, byli zroblenyja prybudovy paźniej. Vyjaŭlenaja muroŭka ź plinfy na vapniakovym rastvory z cahlanaj kroškaj. U najbližejšy čas my całkam raskryjem hety ŭčastak. Heta reštki prybudovy da pieršapačatkovaha chrama — uschodniaj halerei», — udakładniŭ kiraŭnik raskopak.
Alaksiej Koc dadaŭ, što ŭ chodzie rabot archieołahi ŭžo apuścilisia na hłybiniu 1,7 mietra. Tut zafiksavany kulturny płast XVI—XVII stahodździaŭ, kali kala sabora viałasia niejkaja haspadarčaja dziejnaść.
Taksama padčas raskopak byŭ vyjaŭleny płast razbureńnia Safii ŭ pieršaj pałovie XVIII stahodździa, ślady ramontnych rabot XIX stahodździa.
Značnaja kolkaść znachodak paćviardžaje, što hetaje miesca karystałasia papularnaściu ŭ haradskoha nasielnictva. Tut taksama znajšli maniety XVII—XIX stahodździaŭ, šerah upryhažeńniaŭ, pradmiety chatniaha ŭžytku.
«Dalejšyja raboty dazvolać udakładnić architekturnyja detali sabora», — padsumavaŭ staršy vykładčyk kafiedry historyi i turyzmu PDU.
Zabudźcie pra «biełaha lebiedzia». Safijskamu saboru ŭ Połacku prapanujuć viarnuć histaryčny kalarovy fasad
Ź leta pačniecca restaŭracyja Safijskaha sabora ŭ Połacku. Moža źmianicca i jahony vyhlad
Pachavalnaja palityka Rurykavičaŭ. Dzie spačyli biełaruskija kniazi časoŭ Staražytnaj Rusi?
Zahadka aryjentacyi staražytnych chramaŭ. Čamu cerkvy paviernuty nie tudy
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary