Płastykavyja butelki mohuć nie tolki zaśmiečvać akijan, ale i ratavać žyćci delfinaŭ
Navukoŭcy prapanavali prosty i niedarahi sposab, jaki moža dapamahčy značna skaracić kolkaść delfinaŭ, što vypadkova traplajuć u rybałoŭnyja sietki. Dla hetaha da sietak prapanujecca prymacoŭvać pustyja płastykavyja butelki, piša discoverwildlife.com.
Prablema ŭ tym, što tonkija niejłonavyja rybałoŭnyja sietki amal nie bačnyja dla delfinaŭ navat pry vykarystańni echałakacyi. Z-za hetaha marskija žyvioły časta zabłytvajucca ŭ ich i hinuć.
Daśledčyki vykazali zdahadku, što pavietra ŭnutry płastykavych butelek lepš adbivaje hukavyja chvali, dziakujučy čamu delfinam lahčej zaŭvažyć pieraškodu. Kab pravieryć hetuju ideju, ekśpierymienty praviali kala ŭźbiarežža Brazilii, Pieru i Zanzibara.
Vyniki akazalisia roznymi. U Pieru i na Zanzibary butelki nie dapamahli pamienšyć vypadki traplańnia delfinaŭ u sietki, zatoje ŭ niekatorych vypadkach pavialičyli ŭłoŭ ryby. Najlepšy vynik byŭ atrymany ŭ Brazilii, dzie vykarystoŭvali donnyja sietki. Tam kolkaść vypadkova złoŭlenych delfinaŭ istotna skaraciłasia, u toj čas jak abjom złoŭlenaj ryby nie źmianiŭsia.
Paśla hetaha navukoŭcy praviali jašče adzin ekśpierymient z donnymi sietkami. Jon pakazaŭ, što vykarystańnie płastykavych butelek dazvoliła źnizić vypadkovuju hibiel delfinaŭ prykładna na 88 pracentaŭ biez škody dla rybałoŭstva.
Na dumku daśledčykaŭ, hety sposab moža stać efiektyŭnym srodkam achovy marskich sysunoŭ, bo jon tanny, prosty ŭ vykarystańni i dastupny praktyčna kožnamu rybaku. Ciapier padobnyja vyprabavańni praciahvajucca ŭ inšych krainach, kab pravieryć, ci budzie hety mietad takim ža dziejsnym u roznych umovach.
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary