«Ukraina źmianiaje svaju palityčnuju stratehiju», — anansavaŭ Zialenski.
Premjer-ministarka Ukrainy Julija Śvirydenka idzie ŭ adstaŭku. Uładzimir Zialenski paviedamiŭ, što joj prapanavali novuju pasadu.
«Ukraina źmianiaje svaju palityčnuju stratehiju, — zajaviŭ joj. — Za kožny pryjarytetny źniešniepalityčny kirunak budzie adkazvać kankretny čałaviek sa značnym vopytam, jaki zdolny realizavać toje, pra što my damaŭlajemsia na ŭzroŭni lidaraŭ i čaho čakaje ŭkrainski narod.
Siarod takich kirunkaŭ najbolš značnyja — Złučanyja Štaty i našy damoŭlenaści adnosna licenzij na vytvorčaść «Petryjotaŭ» dy inšaje dvuchbakovaje supracoŭnictva ŭ śfiery biaśpieki, jakoje pavinna adlustroŭvacca ŭ vyraznych zdabytkach našych dziaržaŭ i kampanij Ukrainy dy Amieryki; jeŭrapiejski antybalistyčny prajekt, jaki moža stać adnym z najbolšych krokaŭ pa ŭzmacnieńni Jeŭropy za heta dziesiacihodździe; Jeŭrapiejski Sajuz, ź jakim patrebny vyrazny ruch da členstva Ukrainy i pahłybleńnie ŭsich našych suviaziaŭ — ekanamičnych, palityčnych, kulturnych; dziaržavy — susiedzi Ukrainy, adnosiny ź jakimi patrabujuć novaj asnovy, i asabliva heta tyčycca Polščy i Vienhryi; rehijon Blizkaha Uschodu i Zatoki jak adzin z najbolš pierśpiektyŭnych hłabalnych kirunkaŭ biaśpiečnaha i ekanamičnaha supracoŭnictva; Kitaj; klučavyja mižnarodnyja arhanizacyi, jakija ŭpłyvajuć na hłabalnyja rašeńni i mohuć bolš dapamahčy zakančeńniu rasijskaj vajny suprać Ukrainy».
Jość vykliki i va ŭnutranych spravach Ukrainy, adznačyŭ Zialenski.
«Patrabuje značnaha ŭzmacnieńnia ŭsia praca ŭ pryfrantavych i pryhraničnych abłaściach Ukrainy, jakija štodnia ciarpiać ad rasijskich udaraŭ. Raźličvaju na pavieličeńnie pastavak našamu vojsku nieabchodnaj zbroi, usich typaŭ dronaŭ».
Śvirydenka stała premjeram u lipieni minułaha hoda. Niekatoryja praročać joj miesca pasła ŭ ZŠA.
Razam z premjer-ministram u adstaŭku idzie i ŭrad.
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary