«Украіна змяняе сваю палітычную стратэгію», — анансаваў Зяленскі.
Прэм’ер-міністарка Украіны Юлія Свірыдэнка ідзе ў адстаўку. Уладзімір Зяленскі паведаміў, што ёй прапанавалі новую пасаду.
«Украіна змяняе сваю палітычную стратэгію, — заявіў ёй. — За кожны прыярытэтны знешнепалітычны кірунак будзе адказваць канкрэтны чалавек са значным вопытам, які здольны рэалізаваць тое, пра што мы дамаўляемся на ўзроўні лідараў і чаго чакае ўкраінскі народ.
Сярод такіх кірункаў найбольш значныя — Злучаныя Штаты і нашы дамоўленасці адносна ліцэнзій на вытворчасць «Пэтрыётаў» ды іншае двухбаковае супрацоўніцтва ў сферы бяспекі, якое павінна адлюстроўвацца ў выразных здабытках нашых дзяржаў і кампаній Украіны ды Амерыкі; еўрапейскі антыбалістычны праект, які можа стаць адным з найбольшых крокаў па ўзмацненні Еўропы за гэта дзесяцігоддзе; Еўрапейскі Саюз, з якім патрэбны выразны рух да членства Украіны і паглыбленне ўсіх нашых сувязяў — эканамічных, палітычных, культурных; дзяржавы — суседзі Украіны, адносіны з якімі патрабуюць новай асновы, і асабліва гэта тычыцца Польшчы і Венгрыі; рэгіён Блізкага Усходу і Затокі як адзін з найбольш перспектыўных глабальных кірункаў бяспечнага і эканамічнага супрацоўніцтва; Кітай; ключавыя міжнародныя арганізацыі, якія ўплываюць на глабальныя рашэнні і могуць больш дапамагчы заканчэнню расійскай вайны супраць Украіны».
Ёсць выклікі і ва ўнутраных справах Украіны, адзначыў Зяленскі.
«Патрабуе значнага ўзмацнення ўся праца ў прыфрантавых і прыгранічных абласцях Украіны, якія штодня цярпяць ад расійскіх удараў. Разлічваю на павелічэнне паставак нашаму войску неабходнай зброі, усіх тыпаў дронаў».
Свірыдэнка стала прэм'ерам у ліпені мінулага года. Некаторыя прарочаць ёй месца пасла ў ЗША.
Разам з прэм’ер-міністрам у адстаўку ідзе і ўрад.
Каментары