«Rasijskaja palityka, niahledziačy na vajnu, zastajecca žyvoj», — dzielicca jon paśla pierajezdu.
Prarasijski aktyvist z Babrujska Arciom Ahafonaŭ źjechaŭ ź Biełarusi, zaŭvažyŭ kanał «Viciebsk, ja hulaju!».
«Biełaruskaj palitykaj praciahvaju cikavicca, niahledziačy na pierajezd», — napisaŭ Ahafonaŭ u svaim kanale.
Dalej jon parazvažaŭ pra blakłaść biełaruskich čynoŭnikaŭ — maŭlaŭ, nikoha amal i nie ŭspomnić, aproč premjera Alaksandra Turčyna i kiraŭnika Mahiloŭskaj vobłaści Anatola Isačanki. Zatoje «rasijskaja palityka, niahledziačy na vajnu, zastajecca žyvoj».
«Na žal, palityki ŭ Biełarusi skončylisia. Akramia adnaho. Zastalisia funkcyjaniery. Ludzi — funkcyi, ad pierastanoŭki miescaŭ jakich mała što źmienicca», — adznačyŭ Ahafonaŭ.
Raniej Ahafonaŭ užo nie raz pisaŭ, što padumvaje pakinuć Biełaruś. U žniŭni 2024 hoda jon pravioŭ sutki ŭ IČU i atrymaŭ štraf za «raspaŭsiudžvańnie ekstremizmu» (paśla zajavy viciebskaha aktyvista). Paśla hetaha milicyja nie pierastavała prajaŭlać da jaho ŭvahu — naprykład, vyklikała ŭ adździeł dla prahladu prapahandysckaha filma.
Miarkujučy pa ŭsim, jon pierajechaŭ u Rasiju i viarnuŭsia da zaniatkaŭ palitykaj. Naprykład, staŭ tvaram videanavin «Plus/minus try» prarasijskaha prajekta «Biełńjus».
Kamientary
Ŭsich ruskamircaŭ naležyć adpravić na sva i hieraična zdochnuć za ruzkie mir.