«Расійская палітыка, нягледзячы на вайну, застаецца жывой», — дзеліцца ён пасля пераезду.
Прарасійскі актывіст з Бабруйска Арцём Агафонаў з’ехаў з Беларусі, заўважыў канал «Віцебск, я гуляю!».
«Беларускай палітыкай працягваю цікавіцца, нягледзячы на пераезд», — напісаў Агафонаў у сваім канале.
Далей ён паразважаў пра блякласць беларускіх чыноўнікаў — маўляў, нікога амаль і не ўспомніць, апроч прэм'ера Аляксандра Турчына і кіраўніка Магілёўскай вобласці Анатоля Ісачанкі. Затое «расійская палітыка, нягледзячы на вайну, застаецца жывой».
«На жаль, палітыкі ў Беларусі скончыліся. Акрамя аднаго. Засталіся функцыянеры. Людзі — функцыі, ад перастаноўкі месцаў якіх мала што зменіцца», — адзначыў Агафонаў.
Раней Агафонаў ужо не раз пісаў, што падумвае пакінуць Беларусь. У жніўні 2024 года ён правёў суткі ў ІЧУ і атрымаў штраф за «распаўсюджванне экстрэмізму» (пасля заявы віцебскага актывіста). Пасля гэтага міліцыя не пераставала праяўляць да яго ўвагу — напрыклад, выклікала ў аддзел для прагляду прапагандысцкага фільма.
Мяркуючы па ўсім, ён пераехаў у Расію і вярнуўся да заняткаў палітыкай. Напрыклад, стаў тварам відэанавін «Плюс/мінус тры» прарасійскага праекта «Белньюс».
-
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў
-
Маленькага сына забітай у Ізраілі беларускі хоча забраць сям’я Алі, падазраванага ў забойстве. Дзед ідзе ў шарыяцкі суд
-
Севярынец расказаў, як на з’ездзе БХД лавілі агентаў
Каментары
Ўсіх рускамірцаў належыць адправіць на сва і гераічна здохнуць за рузке мір.