Urołah nazvaŭ simptomy, pry jakich mužčynam i žančynam treba abaviazkova iści da doktara
Nie ŭsie simptomy niebiaśpiečnyja, ale jany mohuć paharšać jakaść žyćcia.
Mužčynskija i žanočyja prablemy, jakija pavinny naściarožyć, nazvaŭ viadomy ŭrołah, hałoŭny lekar 4‑j haradskoj kliničnaj balnicy Minska Uładzimir Sirenka.
U mužčyn heta strata mužčynskaj siły, i navat nie tolki ŭ płanie seksualnaj siły, ale i źnižeńnie mužčynskaj maskulinnaści, piša «Kamsamolskaj praŭda».
«Heta źjaŭleńnie lišniaj vahi, heta źnižeńnie patencyi, heta źjaŭleńnie načnych mačavypuskańniaŭ, heta pavyšeńnie cisku», — padkreśliŭ urołah u pieradačy «Skažyniemaŭčy» na telekanale «Biełaruś 1».
Pavodle słoŭ Uładzimira Sirenki, paśla 35 hadoŭ endakrynnaja sistema mužčyny pačynaje pierabudoŭvacca, źmianiajecca mietabalizm, za im idzie źnižeńnie ŭzroŭniu testasteronu, što moža pryvodzić da dabrajakasnych urałahičnych zachvorvańniaŭ, takich jak adenoma prastaty. I tamu svoječasova pryjści na pryjom da śpiecyjalista — heta kupiravać mahčymyja prablemy ŭ budučyni.
Što tyčycca žančyn, to ŭ ich svaja prablema — stresavaje nietrymańnie mačy pry kašli, pry prabiežcy, pry padjomie ciažaraŭ.
«Heta nie niebiaśpiečna z punktu hledžańnia zdaroŭja, heta niebiaśpiečna z punktu hledžańnia sacyjalizacyi i jakaści žyćcia žančyny», — padkreśliŭ Uładzimir Sirenka.
Pavodle słoŭ urołaha, prablema nietrymańnia mačy moža praśledavać žančyn, navat tych, chto naradžaŭ naturalnym šlacham i nie abaviazkova šmat razoŭ, a taksama žančyn, jakija surjozna schudnieli abo znachodziacca ŭ mienapaŭzie, kali idzie harmanalnaja pierabudova i źnižeńnie tonusu ciahlic tazavaha dna.
«Heta ŭsio kurabielna (vylečna. — Red.), jak miedykamientozna, tak i chirurhična», — adznačyŭ urołah i paprasiŭ žančyn z takoj prablemaj nie saromiecca iści na pryjom da doktara.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary