Уролаг назваў сімптомы, пры якіх мужчынам і жанчынам трэба абавязкова ісці да доктара
Не ўсе сімптомы небяспечныя, але яны могуць пагаршаць якасць жыцця.
Мужчынскія і жаночыя праблемы, якія павінны насцярожыць, назваў вядомы ўролаг, галоўны лекар 4‑й гарадской клінічнай бальніцы Мінска Уладзімір Сірэнка.
У мужчын гэта страта мужчынскай сілы, і нават не толькі ў плане сэксуальнай сілы, але і зніжэнне мужчынскай маскуліннасці, піша «Камсамольскай праўда».
«Гэта з'яўленне лішняй вагі, гэта зніжэнне патэнцыі, гэта з'яўленне начных мачавыпусканняў, гэта павышэнне ціску», — падкрэсліў уролаг у перадачы «Скажынемаўчы» на тэлеканале «Беларусь 1».
Паводле слоў Уладзіміра Сірэнкі, пасля 35 гадоў эндакрынная сістэма мужчыны пачынае перабудоўвацца, змяняецца метабалізм, за ім ідзе зніжэнне ўзроўню тэстастэрону, што можа прыводзіць да дабраякасных уралагічных захворванняў, такіх як адэнома прастаты. І таму своечасова прыйсці на прыём да спецыяліста — гэта купіраваць магчымыя праблемы ў будучыні.
Што тычыцца жанчын, то ў іх свая праблема — стрэсавае нетрыманне мачы пры кашлі, пры прабежцы, пры пад'ёме цяжараў.
«Гэта не небяспечна з пункту гледжання здароўя, гэта небяспечна з пункту гледжання сацыялізацыі і якасці жыцця жанчыны», — падкрэсліў Уладзімір Сірэнка.
Паводле слоў уролага, праблема нетрымання мачы можа праследаваць жанчын, нават тых, хто нараджаў натуральным шляхам і не абавязкова шмат разоў, а таксама жанчын, якія сур'ёзна схуднелі або знаходзяцца ў менапаўзе, калі ідзе гарманальная перабудова і зніжэнне тонусу цягліц тазавага дна.
«Гэта ўсё курабельна (вылечна. — Рэд.), як медыкаментозна, так і хірургічна», — адзначыў уролаг і папрасіў жанчын з такой праблемай не саромецца ісці на прыём да доктара.
Каментары