Tramp zajaviŭ, što Pucina nie zaprašali na G20 u Majami, ale jahony ŭdzieł byŭ by karysny
«Sumniavajusia ŭ tym, što jon pryjedzie», — dadaŭ prezident ZŠA.
Prezident ZŠA Donald Tramp nie paćvierdziŭ paviedamleńni MZS Rasii, pra toje, što jaho administracyja zaprasiła prezidenta Rasii Uładzimira Pucina ŭ Majami na samit «Vialikaj dvaccatki» (G20) u Majami, što pavinien prajści ŭ śniežni.
«Jość paviedamleńni, što vy źbirajeciesia zaprasić Uładzimira Pucina na samit G20 u Majami. Heta tak?» — spytaŭ žurnalist u Trampa ŭ Biełym domie 24 krasavika.
Prezident ZŠA adkazaŭ: «Nie, ale kali b jon pryjechaŭ, heta, vierahodna, było b vielmi karysna».
Tramp dadaŭ, što «nie viedaje, ci pryjedzie Pucin» i «sumniavajecca ŭ tym, što jon pryjedzie, i skazaŭ, što prytrymlivajecca dumki, što «treba razmaŭlać z usimi», i znoŭ raskrytykavaŭ byłoha prezidenta ZŠA Baraka Abamu za rašeńnie vyklučyć Rasiju z «vialikaj vaśmiorki».
Napiaredadni MZS Rasii zajaviła, što Maskva atrymała zaprašeńnie na samit G20 u Majami na najvyšejšym uzroŭni.
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2121
Kamientary
Tri dnia pišut, čto prihłašali, a tut raz i v nie duchie Ankoridža i krasnoj dorožki Ankoridža !