26 krasavika ŭ Biełaruś pryjšło arktyčnaje pavietra, jakoje pryniesła z saboj śnieh, zaviruchi i mocny viecier. U zachodnich i paŭdniovych rehijonach krainy daždžy źmianilisia mokrym śnieham.
Kadry z roznych haradoŭ Biełarusi — Hrodna, Niaśviža, Słucka — bolš nahadvajuć studzień, čym kaniec krasavika.
Viecier nabiraje moc — paryvy dasiahajuć 15—20 m/s, a na mieteastancyi «Paleskaja» zafiksavana 20 m/s. Na paŭdniovym zachadzie krainy viecier moža ŭzmacnicca da niebiaśpiečnych 25 m/s.
U Breście viecier źnios Varšaŭski rynak.
Dniom pa krainie čakajecca ad +4°S da +10°S. Pry hetym nadvorje zastajecca niaŭstojlivym: akramia śniehu, na fonie chałodnaha frontu mahčymyja navat łakalnyja navalnicy.
Zona apadkaŭ praciahvaje ruchacca na paŭdniovy ŭschod. Vadzicielam varta być vielmi aściarožnymi: spałučeńnie mocnaha vietru i drennaj bačnaści robić pajezdki na letniaj humie asabliva niebiaśpiečnymi.
Kamientary