«Dumajecie, heta čarha pa kaŭbasu?» U Homieli sotni čałaviek stajali ŭ čarzie ŭ kramu
Kab trapić na kasu, treba było try hadziny.
U Homieli ŭ adnoj z kram źniali na videa hihanckuju čarhu.
«Vy dumajecie, heta čarha pa kaŭbasu? A nie, heta čarha pa dyvany», — kaža aŭtarka videa.
U toj dzień u kramie byli vialikija źnižki. Žančyna prastajała hadzinu ŭ čarzie pad kramaj i jašče dźvie z pałovaj u samoj kramie. Kaža, što pierad joj na kasu stajała minimum 200 čałaviek.
U vyniku jana kupiła dva dyvany — sabie i maci. Adzin ź ich kaštavaŭ na źnižcy 90 rubloŭ (cana bieź źnižki 133 rubli), druhi — 215 (bieź źnižki — 306).
Videa sabrała ŭ tyktoku bolš za 200 tysiač prahladaŭ. U kamientarach dzielacca:
«Stajali razam pobač u adnoj čarzie. Ja b taksama nie stajaŭ ale ciešča skazała treba».
«Taksama siońnia adstajali 1,5 hadziny ŭ čarzie i 2,5 u kasu. Zekanomili ŭ vyniku 40 rubloŭ. Uziali z zoračkaj, i prosta škada času. Kali b viedali, nie stajali b ni za što!»
«Moda na dyvany znoŭ pajšła?» — ździŭlajucca inšyja.
«Vykinuła ŭsie dyvany. Pyłazbornik, jaki jašče i myć, i vybivać treba. Užo nie chaču i nie mahu hetaha rabić», — piša adna z žančyn.
«Paraŭnajcie ceny na «Azon», tam hetyja dyvany bieź źnižki tańniejšyja», — rajać.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»10
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary
[Zredahavana]