«Думаеце, гэта чарга па каўбасу?» У Гомелі сотні чалавек стаялі ў чарзе ў краму
Каб трапіць на касу, трэба было тры гадзіны.
У Гомелі ў адной з крам знялі на відэа гіганцкую чаргу.
«Вы думаеце, гэта чарга па каўбасу? А не, гэта чарга па дываны», — кажа аўтарка відэа.
У той дзень у краме былі вялікія зніжкі. Жанчына прастаяла гадзіну ў чарзе пад крамай і яшчэ дзве з паловай у самой краме. Кажа, што перад ёй на касу стаяла мінімум 200 чалавек.
У выніку яна купіла два дываны — сабе і маці. Адзін з іх каштаваў на зніжцы 90 рублёў (цана без зніжкі 133 рублі), другі — 215 (без зніжкі — 306).
Відэа сабрала ў тыктоку больш за 200 тысяч праглядаў. У каментарах дзеляцца:
«Стаялі разам побач у адной чарзе. Я б таксама не стаяў але цешча сказала трэба».
«Таксама сёння адстаялі 1,5 гадзіны ў чарзе і 2,5 у касу. Зэканомілі ў выніку 40 рублёў. Узялі з зорачкай, і проста шкада часу. Калі б ведалі, не стаялі б ні за што!»
«Мода на дываны зноў пайшла?» — здзіўляюцца іншыя.
«Выкінула ўсе дываны. Пылазборнік, які яшчэ і мыць, і выбіваць трэба. Ужо не хачу і не магу гэтага рабіць», — піша адна з жанчын.
«Параўнайце цэны на «Азон», там гэтыя дываны без зніжкі таннейшыя», — раяць.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
[Зрэдагавана]