Rasijskija vojski zachapili pasiołak Šaŭčenka na zachadzie Danieckaj vobłaści, pablizu jakoha raźviedany zapasy lityju. Heta druhoje z čatyroch bujnych lityjevych radoviščaŭ Ukrainy, što pierajšli pad kantrol Rasii, piša DW.
Pra zachop nievialikaha pasiołka Šaŭčenka paviedamiła Ministerstva abarony RF, i hetuju infarmacyju paćvierdzili analityki ŭkrainskaha prajekta DeepState. Niekalki rasijskich i zachodnich ŚMI paviedamili, što ŭ vyniku hetaha Ukraina straciła važnaje radovišča lityju.
Ažyjataž u ŚMI Hiermanii, ZŠA, Francyi
«Rasija zavajoŭvaje «biełaje zołata»: radovišča lityju va Ukrainie ŭziata pad kantrol» — pad takim zahałoŭkam 27 červienia vyjšaŭ materyjał u niamieckaj haziecie Berliner Zeitung. Zachoplenaje radovišča tam nazvali «adnym z najvažniejšych u Jeŭropie», a jaho strata — «stratehičnaj parazaj».
Karespandent The New York Times z Kijeva adznačyŭ, što Ukrainu «pazbavili važniejšaha aktyvu, jaki moh by dapamahčy padtrymać novaje ekanamičnaje partniorstva z ZŠA». Jon padkreśliŭ, što
Šaŭčenkaŭskaje radovišča — pieršaje, zachoplenaje paśla padpisańnia pahadnieńnia ab nietrach pamiž Kijevam i Vašynhtonam. Jano vyłučałasia vysokaj jakaściu rudy.
Francuzskaja Le Figaro taksama nazvała radovišča «adnym z najbolš pierśpiektyŭnych va Ukrainie». Pavodle jaje źviestak, tolki hetaje radovišča ŭtrymlivaje vysokaminieralizavany spadumien, ź jakoha praściej zdabyvać lityj.
Nakolki važnaje Šaŭčenkaŭskaje radovišča?
Pavodle Dziaržaŭnaj słužby hieałohii i nietraŭ Ukrainy, radovišča było adkryta ŭ 1982 hodzie. Zdabyča tam nikoli nie viałasia. U 2020 hodzie ŭkrainskija śpiecyjalisty acanili zapasy ŭ krychu bolš za 2 młn ton. Adnak rasijskija ŚMI spasyłajucca na dadzienyja Raskanhresa (luty 2025 h.) — 13,8 młn ton rudy.
Usiaho va Ukrainie raźviedany čatyry bujnyja radoviščy lityju. Adno ź ich — Krutaja Bałka ŭ Zaparožskaj vobłaści — taksama pad akupacyjaj z 2022 hoda.
Dva inšyja, Połachaŭskaje i ŭčastak Dobraja, znachodziacca ŭ Kiravahradskaj vobłaści. Apošniaje ličycca najbolš pierśpiektyŭnym. Zdabyča nidzie nie viadziecca.
-
Zialenski: Treba spynić ahoń i pracavać nad mirnym pahadnieńniem. Kanstytucyja nie dazvalaje «handlavać ziamloj» — zdačy Danbasa nie budzie
-
«Rasija pahadziłasia nie zachoplivać usiu Ukrainu całkam». Uitkaf zajaviŭ pra praryŭ u pieramovach pamiž ZŠA i Rasijaj
-
Hienštab USU paviedamiŭ pra pośpiechi ŭ rajonie Dabrapolla, dzie vojski RF ažyćciavili praryŭ
Ciapier čytajuć
Tramp padziakavaŭ «mahutnamu lidaru Biełarusi»: Spadziajusia, što 1300 čałaviek chutka buduć vyzvaleny!25
Tramp padziakavaŭ «mahutnamu lidaru Biełarusi»: Spadziajusia, što 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał88
Kamientary