Apranucca ŭ babuliny firanki. Biełaruski brend pakazaŭ novuju kalekcyju
Limitavanuju kalekcyju pad nazvaj FIRANKI, zroblenuju ź vintažnych firanak, prademanstravaŭ papularny minska-varšaŭski brend TSUDA.
Kalekcyja ŭžo dastupnaja dla zamovy na sajcie brendu, piša vydańnie CityDog.
U jaje ŭvajšli łonhśliŭ, kamizelka, štany i šorty z tkaniny, a taksama spadnica-fartuch z čatyroch panelaŭ — kožnaja z hetych rečaŭ zroblenaja z unikalnaj vintažnaj firanki.
U novaj kalekcyi jość i sumki. Pieršy varyjant — tekstylny šopier z vonkavaj kišeniaj ź vintažnaj firanki i firmovaj birulkaj-klučom. U hetaj madeli jość dva ramiani — na plačo i praź cieła. Druhi varyjant — šopier, całkam zrobleny ź vintažnaj firanki.
Košt rečaŭ varjirujecca ad 59,95 jeŭra (kala 210 rub.) za šopier da 100,95 jeŭra (347 rub.) za štany ź vintažnych firanak.
Zasnavalnica brendu Hanna ŭžo niekalki hadoŭ raźvivaje TSUDA. Jaje adzieńnie — heta prajava lubovi da Biełarusi. U lipieni 2023 hoda jana abviaściła pra reinkarnacyju brendu ŭ Varšavie:
«Ja liču, što dobra rabić možna tolki toje, što ciabie ščyra chvaluje. Tamu prajekt pra maju rodnuju krainu Biełaruś, dzie ja bolš nie žyvu, pra modu i pra adzieńnie.
TSUDA — heta moj asabisty sumlenny vodhuk na toje, što zaraz adbyvajecca z majoj krainaj. Ja budu pakazvać heta tak, jak lepš za ŭsio ŭmieju: praz tvorčaść i dobraje adzieńnie. Hoŭ rabić!»
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary