Лімітаваную калекцыю пад назвай FIRANKI, зробленую з вінтажных фіранак, прадэманстраваў папулярны мінска-варшаўскі брэнд TSUDA.
Калекцыя ўжо даступная для замовы на сайце брэнду, піша выданне CityDog.
У яе ўвайшлі лонгсліў, камізэлька, штаны і шорты з тканіны, а таксама спадніца-фартух з чатырох панэляў — кожная з гэтых рэчаў зробленая з унікальнай вінтажнай фіранкі.
У новай калекцыі ёсць і сумкі. Першы варыянт — тэкстыльны шопер з вонкавай кішэняй з вінтажнай фіранкі і фірмовай бірулькай-ключом. У гэтай мадэлі ёсць два рамяні — на плячо і праз цела. Другі варыянт — шопер, цалкам зроблены з вінтажнай фіранкі.
Кошт рэчаў вар’іруецца ад 59,95 еўра (каля 210 руб.) за шопер да 100,95 еўра (347 руб.) за штаны з вінтажных фіранак.
Заснавальніца брэнду Ганна ўжо некалькі гадоў развівае TSUDA. Яе адзенне — гэта праява любові да Беларусі. У ліпені 2023 года яна абвясціла пра рэінкарнацыю брэнду ў Варшаве:
«Я лічу, што добра рабіць можна толькі тое, што цябе шчыра хвалюе. Таму праект пра маю родную краіну Беларусь, дзе я больш не жыву, пра моду і пра адзенне.
TSUDA — гэта мой асабісты сумленны водгук на тое, што зараз адбываецца з маёй краінай. Я буду паказваць гэта так, як лепш за ўсё ўмею: праз творчасць і добрае адзенне. Гoў рабіць!»
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос15
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары