U Minsku pakažuć mietearyt, jaki ŭpaŭ na Biełaruś u pačatku hoda
Padzieńnie mietearyta «Smalavičy» stała pieršym paćvierdžanym vypadkam u historyi Biełarusi.
Frahmienty niabiesnaha cieła pakažuć u Minskim płanietaryi, piša jaho telehram-kanał.
Mietiearyt byŭ vyjaŭleny na pačatku 2025 hoda i aficyjna zarehistravany ŭ mižnarodnaj bazie Meteoritical Bulletin Database. Kamisija śpiecyjalistaŭ paćvierdziła jaho pachodžańnie, a Ministerstva pryrodnych resursaŭ i achovy navakolnaha asiarodździa adznačyła jaho značnaść dla krainy.
Heta ŭnikalnaja znachodka dla krainy: Za ŭsiu historyju heta tolki siomy mietearyt, znojdzieny na Biełarusi, i adziny, padzieńnie jakoha dakładna zafiksavana.
Ekspazicyja, u jakoj buduć pradstaŭleny frahmienty mietearyta «Smalavičy», pieradadzienyja vałanciorami, adkryjecca 20 žniŭnia a 19-j hadzinie ŭ zornaj zale Minskaha płanietaryja.
Pra znachodku ŭ miežach navukova-papularnaha prajekta «Trybuna vučonaha» raskaža kaardynatar Biełaruskaj mieteornaj sietki Juryj Haračka. Mienavita kamiery hetaj sietki zafiksavali palot «kaladnaha balida» nad Minskam i Smalavičami. Heta dazvoliła dakładna vyznačyć zonu padzieńnia i adšukać jaho frahmienty ŭ Smalavickim rajonie.
Mietearyt «Smalavičy» nadalej budzie pradstaŭleny ŭ pastajannaj ekspazicyi płanietaryja i jaho možna budzie pabačyć padčas zornych sieansaŭ ci na śpiecyjalnych lekcyjach dla navučencaŭ.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary