U atrad Babaryku viarnuli ź miedsančastki, kudy ŭ svaju čarhu trapiŭ z pamiaškańnia kamiernaha typu.
Asudžany na 14 hadoŭ pretendent na pasadu prezidenta na vybarach-2020 Viktar Babaryka znachodzicca ŭ svaim atradzie i znoŭ pracuje ŭ piakarni, piša «Pozirk».
Były bankir adbyvaje 14-hadovy termin u papraŭčaj kałonii № 1 u Navapołacku.
U atrad Babaryka byŭ viernuty ź miedsančastki, kudy ŭ svaju čarhu trapiŭ z pamiaškańnia kamiernaha typu (PKT).
U piakarniu jaho vyznačyli paśla etapavańnia ŭ navapołackuju kałoniju dla adbyćcia pakarańnia. Paviedamlałasia, što jon pracavaŭ tam apalščykam u 30-hradusnuju śpiakotu i ŭkładčykam chlebabułačnych vyrabaŭ.
U krasaviku 2023 hoda źjaviłasia infarmacyja ab špitalizacyi Babaryki ŭ navapołackuju balnicu sa śladami źbićcia i pnieŭmatoraksam. U lipieni taho ž hoda administracyja kałonii paviedamiła svajakam Babaryki, što jon znachodzicca ŭ pamiaškańni kamiernaha typu, jaho zdaroŭju «ničoha nie pahražaje».
Ź lutaha 2023 hoda Viktar Babaryka ŭtrymlivaŭsia ŭ režymie inkamunikada (infarmacyjnaj błakady), jaki pravaabarončaja supolnaść ličyć ciažkim parušeńniem pravoŭ čałavieka.
U studzieni 2025 hoda były apazicyjny aktyvist Raman Pratasievič, jaki pajšoŭ na ździełku z uładami, raźmiaściŭ u siabie fatahrafii i videazvarot Babaryki da rodnych. Z tych časoŭ pra jaho znoŭ ničoha nie było viadoma.
Ciapier čytajuć
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary