Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Prezident ZŠA ŭ svajoj sacsietcy Truth Social iznoŭ źviarnuŭ uvahu na temu palitźniavolenych u Biełarusi.
«Vidavočna, što važnaja navina pra Biełaruś, jakuju levyja ŚMI nie paviedamlajuć, — Prezident Tramp tolki što damohsia vyzvaleńnia źniavolenych. Vyzvalena 16 čałaviek, i taksama abmiarkoŭvajecca vyzvaleńnie jašče 1300. Dziakuj, prezident Tramp», — napisaŭ adzin z karystalnikaŭ sacsietki.
Donald Tramp adkazaŭ na hety dopis nastupnym čynam:
«Dziakuj Biełarusi i jaje mahutnamu lidaru. Ja spadziajusia, što 1300 čałaviek taksama chutka buduć vyzvaleny!».
Nahadajem, što napiaredadni sustrečy z rasijskim prezidentam na Alascy 15 žniŭnia Donald Tramp patelefanavaŭ Alaksandru Łukašenku. Padčas razmovy amierykanski prezident padziakavaŭ Łukašenku za vyzvaleńnie 16 źniavolenych i abmierkavaŭ mahčymaść dalejšaha vyzvaleńnia jašče 1300 čałaviek. Łukašenka ŭ svaju čarhu zajaviŭ, što praca nad vyzvaleńniem palitviaźniaŭ praciahvajecca, i zaprasiŭ Donalda Trampa razam ź siamjoj naviedać Biełaruś. Zaprašeńnie nibyta było pryniata.
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv11
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie2828
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie28
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary