Śpiecsłužby stvaryli fejkavy bot nibyta dla evakuacyi tych, chto dasyłaŭ infarmacyju «Biełaruskamu Hajunu»
Pravaabaroncy Dissidentby papiaredzili pra stvareńnie śpiecsłužbami fejkavaha čat-bota ich arhanizacyi i prosiać nie dasyłać tudy nijakaj infarmacyi.
«Bot stvorany dla apieratyŭnaj evakuacyi hramadzian Respubliki Biełaruś, jakija adpraŭlali infarmacyju ŭ «Biełaruski Hajun | Belarusian Hajun project» i bajacca za svaju biaśpieku», — havorycca ŭ apisańni da fejkavaha bota @dissidentby_evacuation_bot.
«Hety bot źjaŭlajecca fejkavym, jaho stvaryli biełaruskija śpiecsłužby — ni ŭ jakim razie nie dasyłajcie tudy infarmacyju», davodziać pravaabaroncy.
Pa ich słovach, u Dissidentby niama bota dla suviazi. Z pravaabaroncami arhanizacyi źviazvajucca praz sajt dissidentby.com (stayrebel.fun — dastupny biez VPN) abo praz kantakty ŭ apisańni kanała @dissidentBY.
Akramia hetaha, jany viaduć sacyjalnyja sietki na biełaruskaj movie.
Kali łaska, praviarajcie lubyja akaŭnty i kantakty dla suviazi, papiaredžvaje Dissidentby.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami10
Kamientary
- Napisana movaj milicejskich pratakołaŭ. Tavaryš major užo prosta nie moža inakš farmulavać svaje dumki.
Druhija momanty:
- Kali "stayrebel.fun - dastupny biez VPN", treba papiaredžvać, kab ludzi nie zachodzili na jaho ź Biełarusi biez VPN. Pa DNS zapytach i častkova pa zachodach na sam sajt (ECH nie całkam naładžany) karniki mohuć vyjavić karystalnikaŭ z RB.
- U hetym artykule zabyli dadać pieršakrynicu. Pieršakrynicy vielmi krytyčnyja ŭ materyjałach pra biaśpieku, fejkavyja i sapraŭdnyja sajty, sacsietki, boty.