Pres-słužba MNS paviedamiła, što padraździaleńni viedamstva likvidujuć nastupstvy niepahadzi pa ŭsioj Biełarusi. Ratavalniki dapamahajuć raśpiłoŭvać i prybirać pavalenyja drevy, jakija ŭpali z-za mocnaha vietru i daždžoŭ.
U Minskaj vobłaści zafiksavana 13 vyjezdaŭ MNS u roznych rajonach, uklučajučy Biarezinski, Vałožynski, Kapylski, Minski, Miadzielski, Niaśvižski, Smalavicki rajony, a taksama horad Žodzina. U Žodzinie pavalenaje dreva paškodziła lehkavy aŭtamabil.
U Viciebskaj vobłaści ratavalniki 11 razoŭ vyjazdžali na pryborku dreŭ va Ušackim, Haradockim, Rasonskim, Aršanskim, Połackim rajonach i ŭ horadzie Viciebsku. U Čašnikach paškodžany dach šmatkvaternaha doma.
U Mahiloŭskaj vobłaści było 17 vyjezdaŭ, padčas jakich prybrali kala 20 pavalenych dreŭ. U Mahilovie taksama zdymali mietaličnyja kanstrukcyi z kazyrka budynka.
U Hrodzienskaj vobłaści zafiksavany try vypadki dapamohi pa raśpiłoŭcy dreŭ u Mastoŭskim i Astravieckim rajonach, a taksama ŭ samim Hrodnie.
Pavodle papiarednich źviestak, paciarpiełych niama.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary