Na miescy šviejnaj fabryki «Alesia» ŭ Minsku pabudujuć žyłyja damy
15 žniŭnia ŭ Minsku prajšła pres-kanfierencyja, pryśviečanaja horadabudaŭničamu raźvićciu stalicy Biełarusi. Zadać pytańni horadabudaŭnikam mahli i prostyja minčuki. Adzin ź ich pacikaviŭsia, ci budzie vyniesienaja z horada šviejnaja fabryka «Alesia». Akazałasia, što heta mahčyma ŭžo ŭ chutkim časie, piša Realt.by.
Voś što adkazaŭ Viktar Hućko, staršynia Kamiteta architektury i horadabudaŭnictva Minharvykankama:
«Hetaje pytańnie — davoli nadzionnaje. Siońnia da vytvorčych terytoryj u miežach Minska, jakija płanujucca da asvajeńnia, prykavanaja pilnaja ŭvaha. U tym liku i da pradpryjemstva «Alesia». Jano ŭ nas — u liku pieršych.
Heta pradpryjemstva raźmieščana ŭ siaredzinnaj zonie horada, mienavita ŭ hetym kirunku ruchajecca treciaja linija mietro. Tamu hetuju terytoryju my budziem aktyŭna asvojvać. Sapraŭdy tut u budučyni praduhledžvajecca žyłaja zabudova. Sama fabryka budzie vyniesiena za miežy horada Minska».
Trykatažnaja fabryka «Alesia» raźmiaščajecca na vulicy Staravilenskaj, 131. Hod tamu pobač ź joj źnieśli dva staryja žyłyja damy, na miescy jakich ciapier užo budujecca šmatpaviarchovik.
Što tyčycca samoj fabryki, to jaje los abmiarkoŭvali jašče 7 hadoŭ tamu, kali zaćviardžali «horadabudaŭničy prajekt detalovaha płanavańnia terytoryi ŭ miežach vulic Maksima Bahdanoviča — Viery Charužaj — Krapotkina — Kulman».
Pa płanie horadabudaŭnikoŭ, pad znos pavinna pajści nie tolki fabryka «Alesia», ale i pryvatnyja damy, składskija pamiaškańni pradpryjemstva «Miłavica» i niekatoryja inšyja pramysłovyja abjekty.
U stalicy pačynajecca abmierkavańnie hienieralnaha płana Minska. Što čakaje horad u budučyni
Renavacyja nie pa-rasijsku: chruščoŭki ŭ Minsku znosić nie płanujuć
Žychary damoŭ pa vulicy Siamionava ŭ Minsku časova adstajali svajo žyllo
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
U Minsku admovilisia ad budaŭnictva krytaha łyžnaha kompleksu
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary