15 жніўня ў Мінску прайшла прэс-канферэнцыя, прысвечаная горадабудаўнічаму развіццю сталіцы Беларусі. Задаць пытанні горадабудаўнікам маглі і простыя мінчукі. Адзін з іх пацікавіўся, ці будзе вынесеная з горада швейная фабрыка «Алеся». Аказалася, што гэта магчыма ўжо ў хуткім часе, піша Realt.by.
Вось што адказаў Віктар Гуцько, старшыня Камітэта архітэктуры і горадабудаўніцтва Мінгарвыканкама:
«Гэтае пытанне — даволі надзённае. Сёння да вытворчых тэрыторый у межах Мінска, якія плануюцца да асваення, прыкаваная пільная ўвага. У тым ліку і да прадпрыемства «Алеся». Яно ў нас — у ліку першых.
Гэта прадпрыемства размешчана ў сярэдзіннай зоне горада, менавіта ў гэтым кірунку рухаецца трэцяя лінія метро. Таму гэтую тэрыторыю мы будзем актыўна асвойваць. Сапраўды тут у будучыні прадугледжваецца жылая забудова. Сама фабрыка будзе вынесена за межы горада Мінска».
Трыкатажная фабрыка «Алеся» размяшчаецца на вуліцы Старавіленскай, 131. Год таму побач з ёй знеслі два старыя жылыя дамы, на месцы якіх цяпер ужо будуецца шматпавярховік.
Што тычыцца самой фабрыкі, то яе лёс абмяркоўвалі яшчэ 7 гадоў таму, калі зацвярджалі «горадабудаўнічы праект дэталёвага планавання тэрыторыі ў межах вуліц Максіма Багдановіча — Веры Харужай — Крапоткіна — Кульман».
Па плане горадабудаўнікоў, пад знос павінна пайсці не толькі фабрыка «Алеся», але і прыватныя дамы, складскія памяшканні прадпрыемства «Мілавіца» і некаторыя іншыя прамысловыя аб'екты.
У сталіцы пачынаецца абмеркаванне генеральнага плана Мінска. Што чакае горад у будучыні
Рэнавацыя не па-расійску: хрушчоўкі ў Мінску зносіць не плануюць
Жыхары дамоў па вуліцы Сямёнава ў Мінску часова адстаялі сваё жыллё
Праекціроўшчыкі паказалі, як будзе выглядаць плошча Бангалор у Мінску. Ім сказалі падумаць лепш
У Мінску адмовіліся ад будаўніцтва крытага лыжнага комплексу
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»3
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары