«Ania, vychodź za mianie». Homielskaja dziaŭčyna atrymała prapanovu ź niezvyčajnym šykam VIDEA
Pa tyktoku razyšłasia ramantyčnaja historyja z Homiela. Žycharka horada Ania atrymała šykoŭnuju prapanovu ruki i serca ad svajho kachanaha Alaksieja, hramadzianina Izraila. Aformlenaja padzieja była pa-sapraŭdnamu niezabyŭna, piša Tochka.by.
Hanna i Alaksiej paznajomilisia mienš čym hod tamu, kali chłopiec pryjechaŭ u Homiel pa spravach i praz svajakoŭ sustreŭsia ź dziaŭčynaj. Z taho času heta para zaŭsiody razam.
U dzień prapanovy Ania, niby adčuvajučy niešta asablivaje, apranuła biełuju sukienku. Kali jany z Alaksiejem išli praz most nad sažałkaj u Homieli, na nabiarežnaj uspychnuŭ vializny nadpis: «Ania, vychodź za mianie». Paśla hetaha nieba aśviacili załpy fiejervierkaŭ.
Pakul dziaŭčyna sprabavała ŭśviadomić, što adbyvajecca, Alaksiej staŭ na adno kalena i padaŭ joj piarścionak. Ania adkazała «tak».
Pobač sabralisia ludzi, jakija pačali vitać i apładziravać maładym. Budučaja niaviesta pryznałasia, što była vielmi kranutaja takoj padtrymkaj ziemlakoŭ. Viasielle maładyja płanujuć pravieści ŭ kancy vieraśnia, z vyjaznoj rehistracyjaj u tym ža ramantyčnym styli.
Kamientatary ŭ tyktoku zbolšaha radavalisia za paru, choć byli i tyja, chto cikaviŭsia koštam takoha afarmleńnia prapanovy i ličyli vydatki nieracyjanalnymi.
Arhanizavać chłopcu takuju aryhinalnuju prapanovu, darečy, dapamahła administracyja homielskaha parku.
«$10 tysiač — samy minimum». Niaviesta ŭ razhublenaści ad cen na «ścipłaje» viasielle i nie viedaje, ci vartaje jano taho
«Hanna adkazała: «Tak!» Vital Hurkoŭ zrabiŭ prapanovu ruki i serca. Chto ž niaviesta?
«Zamiest kvietak»: maładyja z Mahilova paprasili ŭ haściej na viasielle niezvyčajnyja padarunki
Anžalika Ahurbaš pieraniesła svajo čarhovaje viasielle
Kamientary
padzieja była pa-sapraŭdnamu niezabyŭnaJa