Afrykanski Sajuz padtrymaŭ kampaniju, jakaja zaklikaje admovicca ad karystańnia stvoranaj u XVI stahodździ prajekcyjaj Mierkatara na karyść hieahrafičnych kartaŭ, jakija bolš dakładna adlustroŭvajuć pamiery kantynientaŭ, piša Reuters.
Prajekcyja Mierkatara, raspracavanaja ŭ svoj čas u intaresach navihacyi, istotna pavialičvaje terytoryi kala palusoŭ i pamianšaje Afryku i Paŭdniovuju Amieryku.
Namieśnica staršyni adpaviednaj kamisii Afrykanskaha Sajuza Sielma Malika Chadadzi zajaviła, što takaja karta nibyta stvaraje padmannaje ŭražańnie adnosna «marhinalnaści» Afryki, choć jana — druhi pa vieličyni kantynient z nasielnictvam zvyš miljarda čałaviek. Heta, maŭlaŭ, upłyvaje na adukacyju, miedyja i palityku.
Kampanija Correct The Map, jakuju viadzie inicyjatyva Africa No Filter razam sa Speak Up Africa, prapanuje vykarystoŭvać prajekcyju Equal Earth (stvoranuju ŭ 2018 hodzie), jakaja sprabuje adlustravać krainy ŭ realnych pamierach. Arhanizatary śćviardžajuć, što pierakryŭleny vobraz Afryki — heta «najdaŭžejšaja ŭ śviecie kampanija pa dezynfarmacyi».
Afrykanski Sajuz płanuje damahčysia, kab novaja karta stała standartam u afrykanskich škołach i kab jaje vykarystoŭvali mižnarodnyja arhanizacyi, u tym liku AAN i Suśvietny bank. Padobnuju padtrymku inicyjatyva atrymała i ŭ inšych rehijonach, naprykład, u krainach Karybskaha basiejna.
Choć Google Maps u 2018 hodzie admoviŭsia ad prajekcyi Mierkatara na kampjutarnaj viersii na karyść 3D-hłobusa, na mabilnaj viersii jana ŭsio jašče zastajecca pa zmoŭčańni.
Jak nam chłusiać hieahrafičnyja karty
Marsijanski mietearyt pradali na aŭkcyjonie za vialikija hrošy. Ułady afrykanskaj krainy pratestujuć
U niekalkich krainach uspyški virusa Čykunhuńja. Što heta takoje i ci bajacca biełarusam?
Miljanier, jaki hadami zabivaŭ dzikich žyvioł, zahinuŭ na palavańni: jaho praciaŭ rahami bujvał
Kamientary
darečy, rasieja bolš za ŭsich bonusaŭ sabrała z hetaha kštałtu prajekcyi
pavažanaja redakcyja mahła b dadać skrynšot z sajta real countries size dzie pamiery paŭnočnych krain znaaaaačna mieńš, čym na mierkatarskaj prajekcyi
Kožnaja kraina maje prava ŭžyvać tyja mapy, jakija joj padabajucca: RF, ZŠA, KNR, Japonija - usie užyvajuć mapy, dzie ich kraina - centr śvietu
Heta prosta čarhovy rekiet, dla čarhovaj NDA nibyta z baraćbie z kałanialnaj spadčynaj
A voś što treba hłabalna źmianić - heta dapamohu Afrycy.
Bo ŭ afrykancaŭ bolš naturalnych resursaŭ i pładarodnaj hleby, čym va ŭsim astatnim śviecie. Jość technałohii, jość dapamožniki, jość internet - idzicie sami pracujcie na svaj dabrabyt
I Jeŭropa, i ZŠA, i Kitaj pabudavanyja na stahodździach ciažkaj pracy.