Prezidenty Uładzimir Pucin i Donald Tramp užo niekalki hadzin tamu adlacieli z Ankorydža, ale ad Kijeva pakul nie pastupała nijakich zajavaŭ ab vynikach ich sustrečy. Apošni dopis Zialenskaha ŭ sacsietkach datujecca 21-j hadzinaj piatnicy.
Va Ukrainie nie adčuvajuć vialikich nadziej adnosna pieramovaŭ u Ankorydžy — u mnohim tamu, što ŭkraincy tam nie byli pradstaŭleny, ličyc vajenny karespandent Bi-bi-si Džonatan Bił:
«Uviečary ŭ piatnicu pa kijeŭskim časie Rasija znoŭ zapuściła drony pa Ukrainie. Abstrelvalisia harady i vioski kala linii frontu, i Ukrainie daviałosia pierakinuć bolš vojskaŭ na ŭschod, kab spynić prasoŭvańnie rasijskich sił.
Prezident Zialenski zajaviŭ, što niama nijakich dokazaŭ taho, što prezident Pucin choča zakončyć hetuju vajnu. Jon kaža, što sapraŭdnym vyprabavańniem hetych pieramovaŭ budzie toje, ci pryviaduć jany da šlachu «spraviadlivaha miru».
Na jaho dumku, heta aznačaje ŭdzieł Ukrainy ŭ pieramovach. Heta moža adbycca, kali pieramovy projduć paśpiachova.
Na dadzieny momant Pucin admaŭlajecca sustrakacca ź Zialenskim. Jon navat nie pryznaje jaho zakonnym lidaram krainy.
Voś čamu Zialenski kaža, što «raźličvaje na Amieryku» — jon tam nie prysutničaje i nie daviaraje Pucinu. Chutka jon daviedajecca, ci zmoža jon raźličvać na prezidenta Trampa».
Donald Tramp paśla sustrečy z Pucinym na Alascy ŭ intervju Fox News zajaviŭ, što zaraz damoŭlenaść pa Ukrainie zaležyć ad Zialenskaha, i prezidentu Ukrainy treba pahadzicca na ździełku.
«My prystupajem da padrychtoŭki trochbakovaj sustrečy z udziełam: Zialenskaha, Pucina i mianie. Jany chočuć, kab ja prysutničaŭ na ich sustrečy. Ja tam budu», — skazaŭ prezident ZŠA.
Pucin i Tramp skončyli pieramovy. Tramp zajaviŭ, što ździełki pakul niama
Tramp paraiŭ Ukrainie zhadžacca na ździełku z Rasijaj. Na jakuju — nie raspavioŭ
Tramp zajaviŭ, što zaraz damoŭlenaść pa Ukrainie zaležyć ad Zialenskaha
Niamiecki dypłamat: Pucin pieramoh na pieramovach z Trampam
Tramp pieradaŭ Pucinu list ad Miełanii pra ŭkrainskich dziaciej
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie16
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary
Adzinaje pytańnie ? Ty suuuuu.daŕ dapamohu ni prypynieš zbroju pradasi??)))
Pry ińšych abstavinnach byŭ bypasłany jak toj karabiel kala Źmiainaha..