«Pucin atrymaŭ čyrvonuju darožku z Trampam, Tramp nie atrymaŭ ničoha», — skazaŭ Volfhanh Išynhier.
Niamiecki dypłamat Volfhanh Išynhier, jaki da 2022 hoda ŭznačalvaŭ Miunchienskuju kanfierencyju biaśpieki i zastajecca adnym z najbolš pavažanych ekśpiertaŭ u śviecie ŭ pytańniach źniešniaj palityki, pierakanany, što sustreča na Alascy skončyłasia pieramohaj Pucina, pra heta jon napisaŭ u sietcy X, piša «Ukrainskaja praŭda».
Paśla zaviaršeńnia karotkaj vynikovaj pres-kanfierencyi lidaraŭ Išynhier zrabiŭ zajavu pra toje, što vyniki sustrečy dla dvuch bakoŭ źjaŭlajucca vielmi roznymi.
«Pucin atrymaŭ čyrvonuju darožku z Trampam, Tramp nie atrymaŭ ničoha», — koratka apisaŭ jon vyniki pieramoŭ.
«Jak i śled było čakać: ni spynieńnia ahniu, ni miru. Nijakaha realnaha prahresu. Jaŭna 1:0 na karyść Pucina. Nijakich novych sankcyj, — pieraličyŭ jon nastupstvy pieramovaŭ. — Dla ŭkraincaŭ: ničoha. Dla Jeŭropy: hłybokaje rasčaravańnie».
Paśla zaviaršeńnia sustrečy Donald Tramp anansavaŭ novyja pieramovy z Pucinym, mahčyma ŭ Maskvie.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary
U pierakładzie heta hučyć tak -- " MY, jak Eŭropa, ničoha nie atrymali ad hetaj sustrečy." Tramp atrymlivaje svabodu ad adkaznaści za vajnu, pieradaŭšy jaje Zialenskamu, Pucin atrymlivaje padtrymku siabra Trampa, a MY ( Eŭropa) atrymali vajskovy kanflikt na svajoj terytoryi.