Incydent adbyŭsia kala vioski Lubča. Kampanija pryjechała na bierah raki parybačyć, adnak padčas adpačynku pačałasia mocnaja navalnica, piša BiełTA.
Nioman kala Lubčy. Fota ilustracyjnaje
Kab advieści mašynu dalej ad vady, kiroŭca pačaŭ razvaročvacca, ale na razmokłym paśla zalevy hruncie aŭtamabil straciŭ sčapleńnie z darohaj i pačaŭ spaŭzać z abryvu.
Kiroŭca paśpieŭ svoječasova vybracca z sałona i nie paciarpieŭ. Sam aŭtamabil całkam syšoŭ pad vadu.
Uładalnik źviarnuŭsia pa dapamohu ŭ Hrodzienskuju abłasnuju arhanizacyju Tavarystva ratavańnia na vodach. Rabotniki Lidskaj ratavalnaj stancyi z dapamohaj śpiecyjalnaj techniki i vadałaznaha abstalavańnia chutka znajšli aŭtamabil i dastali jaho z raki.
Kamientary
Luby miechaničny transpartny srodak, choć mapied, zabaroniena parkavać bližej za 30 mietraŭ da vady.