Eks-palitviazień i palityk Mikałaj Statkievič paviedamiŭ u telehram-kanale, što bližejšym časam u śviet vyjdzie zbornik jahonych turemnych ese i inšych tekstaŭ, stvoranych abo pradumanych u źniavoleńni za apošnija dvaccać hadoŭ.
Asnovu knihi składaje vialikaje ese, adnoŭlenaje paśla taho, jak jaho zapisy źnikli ŭ SIZA KDB padčas sproby niezakonnaj departacyi ź Biełarusi.
U apublikavanym uvodnym słovie Mikałaj Statkievič razvažaje pra pryrodu doŭhaterminovaha supracivu represiŭnamu režymu:
«Kali ŭ krainie ŭstalavaŭsia represiŭny režym, to ŭ ludziej demakratyčnych pierakanańniaŭ jość piać hod, kab viarnuć krainie svabodu. Potym hramadstva stamlajecca, hublaje vieru ŭ pieramieny i pačynaje prystasoŭvacca da situacyi. A režym tym časam umacoŭvaje svaje struktury padaŭleńnia i kantrolu hramadstva. Takim čynam, baraćba pierachodzić u doŭhaterminovuju stadyju, dzie ŭsio vyrašaje najaŭnaść u režyma resursaŭ na padaŭleńnie i kantrol, a ŭ hramadstva — maralnych sił dla supraciŭleńnia».
Biełaruski režym, piša palityk, zabiaśpiečyŭ siabie nieabmiežavanymi resursami ad Maskvy, jakaja apłačvaje jaho isnavańnie za dziejańni, jakija viaduć pahłynańnia Biełarusi Rasijaj.
«Pahroza isnavańniu krainy pieratvarała baraćbu za demakratyju ŭ baraćbu za niezaležnaść», — piša Statkievič.
Palityk padkreślivaje, što ŭ takich umovach hałoŭnym zastajecca maralny składnik i asabisty prykład:
«Dla nas było nadzvyčaj važnym «trymać ściah svabody» — pastajanna publičnymi akcyjami pakazvać ludziam, što svaboda vartaja, kab za jaje zmahacca, kab nie dać pieratvaryć nacyju ŭ pakorlivy abyjakavy statak, kab ahoń svabody nie byŭ patušany nazaŭsiody. Našych sił i padtrymki hramadstva chapiła b dla pieramohi nad dyktaturaj, ale ich nie stavała dla pieramohi nad Maskvoj», — piša palityk.
Statkievič, jaki sumarna pravioŭ za kratami kala 14 hadoŭ, patłumačyŭ, što jahonyja teksty stali adkazam na sistemny psichałahičny cisk śpiecsłužbaŭ, jakija sprabujuć davieści palitviaźniam «pra biessensoŭnaść ich zmahańnia i daremna patračanaje žyćcio».
Budučy zbornik budzie składacca ź dźviuch častak. Pieršaja častka pryśviečana etyčnamu boku supracivu i maralnamu vybaru čałavieka ŭ składanych situacyjach. Druhaja častka — pra pošuk stratehij zachavańnia i raźvićcia nacyi, jakaja apynułasia «zacisnutaj pamiž dźviuma varahujučymi i kulturna antahanistyčnymi cyvilizacyjami».
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary