Jeŭrapiejski sajuz płanuje admianić myty na kala 80 pracentaŭ pradukcyi, jakaja impartujecca z Armienii. Pra heta paśla sustrečy ŭ Jerevanie z premjer-ministram Armienii Nikołam Pašynianam paviedamiła staršynia Jeŭrapiejskaj kamisii Ursuła fon der Lajen, piša Bloomberg.
Pavodle hetych płanaŭ, biez mytnych płaciažoŭ u krainy ES možna budzie pastaŭlać śviežuju harodninu i sadavinu, a taksama ałkaholnyja i biezałkaholnyja napoi armianskaj vytvorčaści.
Akramia taho, Jeŭrasajuz maje namier vydzielić Armienii 52 miljony jeŭra i nakiravać u krainu ekśpiertaŭ, jakija dapamohuć pašyryć ekspart armianskaj pradukcyi na jeŭrapiejski rynak.
Praŭda, pierad tym, jak hetyja miery ŭstupiać u siłu, ich pavinny ŭchvalić usie krainy — členy Jeŭrapiejskaha sajuza i Jeŭrapiejski parłamient.
Ekśpierty adznačajuć, što Armienija moža sutyknucca ź ciažkaściami pry pastaŭkach u Jeŭropu pradukcyi, jakaja chutka psujecca, pakolki kraina nie maje pramoha vychadu da mora. Taksama nie vyklučajecca, što admiena mytaŭ na armianskija śpirtnyja napoi vykliča niezadavolenaść vinarobaŭ u niekatorych krainach ES, najpierš u Francyi.
Raniej Rasija ŭviała šerah abmiežavańniaŭ na ŭvoz armianskaj pradukcyi, u tym liku kvietak, minieralnaj vady, harodniny i sadaviny. Paśla parłamienckich vybaraŭ u Armienii, dzie prarasijskija siły paciarpieli parazu, zabarona była pašyranaja na ŭsiu padkarancinnuju pradukcyju.
Kamientary