U Čechii 23‑hadovy biełarus Jakaŭ Kudzialevič vyjšaŭ z komy, jakaja praciahvałasia 73 dni
23‑hadovy biełarus Jakaŭ Kudzialevič ź siaredziny krasavika byŭ u komie ŭ špitali ŭ Čechii. Ciapier jon vyjšaŭ ź jaje. I heta było niečakana, kaža baćka Jakava Dźmitryj Kudzialevič.
Baćka Jakava Dźmitry Kudzialevič raskazaŭ Svabodzie pra abstaviny lačeńnia syna i jahonaha jurydyčnaha statusu.
Dźmitryj Kudzialevič kaža, što ŭ špitali, u jakim lečać Jakava, ciapier znachodzicca jaho maci, i 24 červienia jana jamu niečakana patelefanavała i skazała jamu:
«Dźmitryj, z taboj choča pahavaryć syn».
«Dla mianie heta było jak hrom siarod jasnaha nieba. 73 dni syn znachodziŭsia ŭ hłybokaj komie. I kali ja ŭziaŭ słuchaŭku, jon kaža: «Dobry dzień, tata». Heta ciažka pieradać, nakolki heta było mocna i pranikliva».
Paśla hetaha baćka rehularna hutaryć z synam pa telefonie, naviedvaje jaho na vychodnych.
«Pajedziem z dačkoj naviedvać našaha syna i padymać jaho, tamu što jon ciapier u prytomnaści, maje znosiny, usio dobra pamiataje, nijakaha parušeńnia havorki niama. Ale jon nie kiruje kaniečnaściami, rukami, nahami, źnieruchomleny, na žal. Praciahvajecca intensiŭnaja terapija».
Baćka kaža, što tym časam siamja čakaje sudu pa mižnarodnaj abaronie Jakava i mocna niepakoicca, jakim budzie vynik.
«Ja maju na ŭvazie rašeńnie češskaha sudu pa abskardžańni admovy ŭ mižnarodnaj abaronie. U nas vielmi mocnaja padtrymka. Ja siońnia voś prosta pahladzieŭ tyja listy, jakija nam dasłali ŭ padtrymku, i aficyjnyja listy jeść, nakiravanyja na adras češskaha sudu. Heta i ad ofisu Śviatłany Cichanoŭskaj, i asobna ad ofisu demakratyčnych sił u Čechii pad kiraŭnictvam Kryściny Šyjanok, jakaja ŭvieś čas z nami ŭ kantakcie, nas vydatna padtrymlivaje, daje nam roznyja kanały dla dapamohi, jurydyčnaj i finansavaj. Asobna chočacca padziakavać ofisu demakratyčnych sił va Ukrainie, Śviatłanu Šacilinu. Jana taksama z nami ŭ kantakcie rehularna. Ukrainski fond «Samostijna Ukraina», ź jakim Jakaŭ supracoŭničaŭ, jany taksama z nami ŭ kantakcie. Kaardynacyjnaja rada dasłała nam list padtrymki i ekśpiertnaje zaklučeńnie, pravaabarončy centr «Viasna».
Asobna Dźmitryj Kudzialevič adznačyŭ lekara Siarhieja Jurčanku, biełarusa, jaki kiruje adździaleńniem intensiŭnaj terapii ŭ špitali, u jakim znachodzicca Jakaŭ, Centr biełaruskaj salidarnaści, biełaruskaje studenctva ŭ Čechii.
Prahnozy dalejšaha lačeńnia ni lekary, ni baćka davać nie biarucca:
«Heta, viadoma, cud nie tolki dla nas, nu, rodnych i blizkich, ale i dla lekaraŭ, ja tak razumieju, bo nichto nie čakaŭ, što budzie voś mienavita tak. Tamu nijakich prahnozaŭ, bo heta takaja nieardynarnaja situacyja. Nu, lekary vielmi aściarožnyja, uśmichajucca. Ja vam skažu, tak, u adździaleńni ŭ špitali navat ahulnaje stanovišča źmianiłasia», kaža Dźmitry Kudzialevič.
Prablemy ŭ emihracyi siamji Kudzialevičaŭ
Baćka Jakava Dźmitryj Kudzialevič, adzin z kolišnich lidaraŭ strajkamu «Biełaruśkalija», byŭ vymušany ŭciačy ź Biełarusi ŭ 2020 hodzie. Ciapier Dźmitryj Kudzialevič razam z advakatam sprabujuć abskardzić admovu MUS Čechii pradastavić mižnarodnuju abaronu Jakavu.
Jakaŭ u 17‑hadovym uzroście byŭ vymušany źjechać ź Biełarusi paśla 2020 hodu praz pahrozu represij. Try hady jon vučyŭsia va ŭniviersitecie ŭ Ostravie ŭ Čechii pa śpiecyjalnaści «bijatechnalohii». Chłopiec zrazumieŭ, što hetaja śpiecyjalnaść nie dla jaho, i daviałosia pakinuć univiersitet.
Paśla hetaha byli roznyja pracy, sproby raspačać vučobu va univiersitecie ŭ Prazie. Jakaŭ sutyknuŭsia z prablemaj lehalizacyi. Chłopiec padaŭsia na mižnarodnuju abaronu, pakolki i jon, i baćka ŭdzielničali ŭ pratestach u Biełarusi i byli vymušanyja pakinuć krainu. Ministerstva ŭnutranych spravaŭ Čechii admoviła jamu ŭ mižnarodnaj abaronie.
Dźmitryj Kudzialevič, jaki byŭ adnym z kolišnich lidaraŭ strajkamu «Biełaruśkaliju», paśla zatrymańnia KDB u žniŭni 2020 hodu zdoleŭ uciačy va Ukrainu. Ciapier jon žyvie ŭ Polščy.
Kudzialevič zhadvaje, jak na pačatku krasavika syn pierastaŭ ź im kantaktavać. Jon pačaŭ šukać Jakava praź jaho znajomych u Čechii. Syna znajšli biez prytomnaści na padłozie ŭ jahonym pakoi ŭ pryjomnym centry dla mihrantaŭ, jakija chadajničajuć ab mižnarodnaj abaronie. Pavodle daktaroŭ Jakaŭ pryniaŭ šerah miedyčnych preparataŭ i znachodziŭsia biez prytomnaści adzin kala sutak. Chłopca terminova pieravieźli ŭ špital.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary