Miljanier, jaki hadami zabivaŭ dzikich žyvioł, zahinuŭ na palavańni: jaho praciaŭ rahami bujvał
U Paŭdniovaj Afrycy hetych žyvioł nazyvajuć «čornaja śmierć». Jon niośsia na miljaniera z chutkaściu 50 km/h.
Amierykanski miljanier i zaciaty palaŭničy Ašer Uotkins zahinuŭ u Paŭdniovaj Afrycy padčas safary: padčas palavańnia na bujvała žyvioła raptoŭna napała na 52-hadovaha mužčynu i naniesła jamu śmiarotny ŭdar svaimi masiŭnymi rahami, piša Bild.
Palaŭničy tur, padčas jakoha adbyłasia trahiedyja, kaštavaŭ niekalki tysiač jeŭra. Uotkins byŭ pastajannym klijentam i lubiŭ fatahrafavacca z zabitaj zdabyčaj: na jaho staroncy ŭ Facebook raźmieščany dziasiatki zdymkaŭ, dzie jon paziruje nad žyviołami ź vintoŭkaj. Na adnym sa zdymkaŭ jon navat trymaje miortvuju pumu — u niekatorych rehijonach hety vid znachodzicca pad pahrozaj źniknieńnia.
U pravincyi Limpapo Uotkins razam z prafiesijnym palaŭničym chacieŭ zdabyć kafrskaha bujvała.
U Paŭdniovaj Afrycy hetych žyvioł nazyvajuć «čornaja śmierć»: jany važać da paŭtary tony i adroźnivajucca davoli ahresiŭnymi pavodzinami. Ich adzinyja naturalnyja vorahi ŭ savanie — heta lvy i ludzi. Pavodle dadzienych arhanizatara safary, kafrski bujvał štohod stanovicca pryčynaj hibieli niekalkich palaŭničych i ličycca samaj niebiaśpiečnaj žyviołaj Afryki.
Jak paviedamlajuć ŚMI, taki bujvał niośsia na Uotkinsa z chutkaściu kala 50 km/h, a zatym naśmierć prabiŭ jaho rahami. Na palavańni z Uotkinsam taksama byli jaho maci, brat i ajčym.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary