Tak, za 1 rubiel u kišeni ŭsio jašče možna niešta pierakusić — choć i vybar abmiežavany, ale mahčymaści jość. Vydańnie «Elektronny Salihorsk» prajšłosia pa tamtejšych kramach i pahladzieła, što možna nabyć za hetuju sumu.
Majučy 1 rubiel u kišeni, vy možacie nabyć pakiet makarony «hrupy B», adnu pačku makarony chutkaha pryhatavańnia abo ž «chutki sup» na vybar.
Možna taksama pačastavacca salonymi sucharykami abo snekavymi vyrabami ajčynnaha vytvorcy.
Z bolš karysnaha na palicach kramaŭ my znajšli pakietavanyja kašy, fruktovyja piure, johurty i tvarožnyja syrki.
Siudy ž dadadzim kałaryjnyja batončyki-miuśli. Asartymient vialiki, ad roznych vytvorcaŭ, košt — da 1 rubla.
U adździele sałodkaha byli vyjaŭlenyja vafli i piačeńnie pa canie ad 49 kapiejek da 1 rubla.
A ŭ chlebnym adździele, majučy ŭsiaho 1 rubiel, možna nabyć nievialičkuju bułačku.
Naprykład, kruasan abo mafin za 99 kapiejek. Taksama vašaha rubla chopić, kab natalić smahu, nabyŭšy maleńkuju ŭpakoŭku soku abo paŭlitrovuju butelku pitnoj vady.
A kali vy ŭžo pajeli, to možna padzaradzicca vitaminam S abo aśviažyć dychańnie z dapamohaj žavalnaj humki «Mientas».
Viadoma, za 1 rubiel składana kupić niešta paŭnavartasnaje i karysnaje, adnak možna ŭtajmavać pačućcio hoładu, kali da asnoŭnaha pryjomu ježy jašče daloka.
Ciapier čytajuć
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2929
Kamientary