Abaviazacielstvy Rasii nie napadać na Jeŭropu i Ukrainu musiać raspaŭsiudžvacca i na Biełaruś
Novaja damova ab nieparušnaści miežaŭ u Jeŭropie, kali jana budzie, pavinna datyčyć i našaj krainy. Heta punkt, pad jakim padpisalisia b i Łukašenka, i Cichanoŭskaja. Kamientar Redakcyi.
Śpiecpradstaŭnik Trampa Uitkof nazvaŭ «praryŭnymi» damoŭlenaści ZŠA i Rasii pa harantyjach biaśpieki dla Ukrainy i Jeŭropy.
«My damovilisia pra surjoznyja harantyi biaśpieki, jakija ja b acharaktaryzavaŭ jak tyja, što źmianiajuć praviły hulni. My nie dumali, što apyniomsia nastolki blizkija da pahadnieńnia ab abaronie [Ukrainy] pa artykule 5 z boku Złučanych Štataŭ, zakanadaŭčym zamacavańni ŭ Rasijskaj Fiederacyi abaviazacielstva nie zamachvacca na inšyja terytoryi paśla kadyfikacyi mirnaha pahadnieńnia, a taksama zakanadaŭčym zamacavańni ŭ Rasijskaj Fiederacyi abaviazacielstva nie napadać na inšyja jeŭrapiejskija krainy i nie parušać ich suvierenitetu. Tak što my pryjšli da pahadnieńnia, i heta jašče nie ŭsio», — skazaŭ śpiecpasłańnik prezidenta ZŠA Styvien Uitkaf.
Uitkaf moža vydavać žadanaje za realnaje abo nie da kanca razumieć realnych prapanoŭ. Ale, kali takaja damova sapraŭdy abmiarkoŭvacca, to heta, napeŭna, punkt, jaki padtrymali b i Łukašenka, i Cichanoŭskaja.
Usie razumiejuć, što damovy z Rasijaj nie vartyja papiery, na jakoj jany padpisanyja, i Maskva budzie ich trymacca tolki tady, kali nie budzie mieć siłaŭ ich parušyć. Hetyja damovy buduć trymacca tolki da taje pary, pakul jeŭrapiejskija krainy, u tym liku i Ukraina, buduć dastatkova mocnyja, kab adbić napad.
Tym nie mienš, dla šancaŭ Biełarusi zdabyć realnuju niezaležnaść u budučyni važna, kab Biełaruś była častkaj novaj damovy ab nieparušnaści miežaŭ u Jeŭropie, kali jana budzie. Navat kali Biełarusi zaraz nie ŭdasca vyrvacca z-pad rasijskaha kantrolu, heta dapamoža ŭ budučyni.
Kali na stale sapraŭdy lažyć takaja damova, to i Ofisu Śviatłany Cichanoŭskaj, i minskim dypłamatam musova mabilizavacca, kab hetaha dasiahnuć. I daj boh kab vyzvaleńnie palitźniavolenych biez departacyi ich było častkaj hetaha rašeńnia.
«Naša Niva» — bastyjon biełaruščyny
PADTRYMAĆCiapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu8
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2828
Kamientary
Pry hetym možna ž nie napadać, a prosta ŭvieści vojski "dla padtrymki i stabilizacyi lehitymnaj ŭłady sajuźnikaŭ". Takoje taksama zamacavana ŭ zakanadaŭstvie.
I nie adbirać suvierenitet, a "pahadzicca s prośbaj siabroŭskaha narodu, vykazanaj na refierendumie".
Narešcie terytoryja moža doŭhi čas boŭtacca ŭ "šerym statusie", nibyta i niejki suvierenitet zastaŭsia, i napadu nie było.