Jarmak padziakavaŭ Miełanii Tramp za list Pucinu ŭ abaronu dziaciej, choć Ukraina ŭ liście nie zhadvajecca ni razu
Kiraŭnik ofisu prezidenta Ukrainy Uładzimira Zialenskaha padziakavaŭ pieršaj łedzi ZŠA Miełanii Tramp za toje, što jana zaklikała prezidenta Rasii vyratavać departavanych ukrainskich dziaciej.
«Viartańnie ŭkrainskich dziaciej, vykradzienych Rasijaj, pavinna być klučavoj umovaj dla luboj mirnaj damovy», — napisaŭ Andrej Jarmak u subotu ŭ paviedamleńni ŭ sacyjalnych sietkach.
Jarmak skazaŭ, što jon «udziačny» Miełanii Tramp za jaje list da prezidenta Rasii Uładzimira Pucina, u jakim jana zaklikała lidara «samastojna adnavić» «miełodyju dziciačaha śmiechu».
Siońnia Fox News abnarodavaŭ list žonki Trampa Pucinu, što pieradaŭ Donald Tramp prezidentu Rasii na Alascy.
Jak vynikaje ź lista, Miełanija była vielmi dypłamatyčnaj, a zrazumieły ŭsio ž taki sens padadzieny ŭ tekście zavualavana, prynamsi, Ukraina ŭ liście nie zhadvajecca ni razu.
«U siońniašnim śviecie, — piša Miełanija pra «siońniašni śviet», — niekatoryja dzieci vymušanyja nieści ŭ sabie cichi śmiech, nie zakranuty zmrokam vakoł ich, — maŭklivy vyklik siłam, jakija patencyjna mohuć adabrać u ich budučyniu».
«Spadar Pucin, vy možacie samastojna adnavić ich miełodyju śmiechu. Abaraniajučy niavinnaść hetych dziaciej, vy nie tolki pasłužycie adnoj tolki Rasii — vy akažacie pasłuhu ŭsiamu čałaviectvu», — praciahvaje pieršaja łedzi ZŠA.
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała4
Kamientary