Hienierał Biełakonieŭ nie zmoh znajści biełaruskuju raskładku i svaich słoŭ dla vinšavańnia vypusknikoŭ
Eks-načalnik Hienštaba i były deputat Aleh Biełakonieŭ naviedaŭ vypusk lejtenantaŭ vajskovaha fakulteta ŭ Hrodzienskim dziaržaŭnym univiersitecie imia Janki Kupały i adreahavaŭ na heta pastom u Instagram. Hienierał-major pisaŭ jaho na biełaruskaj movie, ale ruskaj raskładkaj, čym vyklikaŭ ździŭleńnie adnaho sa svaich padpisčykaŭ — «intelekt-trenieraŭ», zaŭvažyła «Lusterka».
Vypusk lejtenantaŭ vajskovaha fakulteta HrDU adbyŭsia 28 červienia — pahony i dypłomy atrymali 25 kursantaŭ. Pryčym jakraz u hetym hodzie fakultetu spoŭniłasia 20 hadoŭ. Tradycyjna na im rychtujuć tyłavikoŭ. Sioletnija vypuskniki raźmierkavany «ŭ roznyja miescy našaj nieabsiažnaj krainy», paviedamlaŭ načalnik fakulteta Hienadź Pieślak.
Biełakonieŭ ža adznačyŭsia pastom u Instagram na dziŭnaj biełaruskaj movie — były top-vajskoviec, zdajecca, nie zmoh znajści raskładku i zamiest «ŭ» vykarystaŭ «j».
Pryčym tekst pad pastom eks-načalnika Hienštaba — heta drenna skapijavanaje vinšavańnie rektarki HrDU Iryny Kiturka.
Biełakonieŭ — uradženiec rasijskaha Prymorskaha kraju, jon kamandavaŭ biełaruskimi Siłami śpiecyjalnych apieracyj, piać hadoŭ uznačalvaŭ Hienštab, a potym byŭ deputatam parłamienta. Byŭ zaŭvažany ŭ tym, što rehularna jeździć u Maskvu, udzielničaŭ u pasiadžeńniach Parłamienckaha Schodu Sajuznaj dziaržavy i mierapryjemstvach «Doma Maskvy» ŭ Minsku.
U 2021 hodzie zajaŭlaŭ, što tych, chto supraciŭlajecca biełaruskim siłavikam, treba «mačyć u sarciry ŭsich, za adnaho 20, 100». Heta adbyłosia padčas cyrymonii raźvitańnia z supracoŭnikam KDB Dźmitryjem Fiedasiukom, jaki zahinuŭ u pierastrełcy ź minskim ajcišnikam Andrejem Zielceram.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary