Zdaraviennaja źmiajuka vypaŭzła pahrecca na nabiarežnaj u Breście
U Breście na haradskoj nabiarežnaj miascovaja błohierka natrapiła na vialikuju źmiaju i źniała jaje na videa. Rolik źjaviŭsia ŭ TikTok z podpisam: «Vuž ci hadziuka?» — i vyklikaŭ burnaje abmierkavańnie siarod karystalnikaŭ, piša Onliner.by.
Pavodle słoŭ aŭtarki, źmiaja prypaŭzła mienavita ŭ toje miesca, dzie dziaŭčyna niezadoŭha da hetaha siadzieła i fatahrafavałasia. Paŭzun pierad kamieraj pavodziŭsia davoli badziora: to padpaŭzaŭ bližej da ludziej, to załaziŭ pad pamost kala vady i ź cikaŭnaściu vyhladaŭ adtul. Za try dni videa nabrała 1,7 miljona prahladaŭ i bolš za čatyry tysiačy kamientaroŭ.
Bolšaść kamientataraŭ syšlisia ŭ mierkavańni, što na videa — niejadavity vuž. Adnak znajšlisia i tyja, chto śćviardžaŭ, što heta mahła być hadziuka. Karystalnikaŭ asabliva ŭrazili ŭnušalnyja pamiery źmiai.
«Zvyčajny vuž, pryhožy, bliščyć na soncy. Ich lohka paznać — na hałavie žoŭtyja plamy», — napisała adna z kamientataraŭ.
«Dla mianie heta anakonda», — pažartavała inšaja.
«Mianie adnu ździŭlaje spakoj aŭtarki i navakolnych? Ja b kryčała i biehła preč — usio roŭna, vuž heta ci hadziuka», — pryznałasia jašče adna karystalnica.
Znajšlisia i tyja, chto vykazaŭ zdahadku, što bresckaja źmiaja — heta niejki śviežy hibryd vuža i hadziuki.
-
U Polščy biełaruskamu dalnabojščyku pahražaje turma — sprabavaŭ uvieźci ekzatyčnych jaščarak
-
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
-
Mahiloviec vyrašyŭ prybracca na zimu i spaliŭ niekalki pabudoŭ
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek1
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary