Eks-bramnik zbornaj Hienadź Tumiłovič budzie pracavać trenieram u Izraili
Tolki niadaŭna Tumiłovič atrymaŭ hramadzianstva Izraila.
Były bramnik zbornaj Biełarusi Hienadź Tumiłovič staŭ hałoŭnym trenieram kłuba pa plažnym futbole «Roš-cha-Ain» ź Izraila. Pra heta Tumiłovič raspavioŭ u svaim telegram-kanale.
Raniej śpiecyjalist pracavaŭ z rasijskim «Krystałam» (D1).
Try miesiacy tamu Tumiłovič atrymaŭ hramadzianstva Izraila, pra što taksama emacyjna paviedamlaŭ u telehram-kanale.
«Užo ŭ Izraili. Jak heta atrymałasia pa ćvieraziaku — dahetul zrazumieć nie mahu. Siadžu tydzień, tuplu, razvažaju na hetuju temu. Pakul nie ŭkuryŭ, jak tak atrymałasia: letaś — nivodnaha pašparta nie było, sioleta — užo dva. Dakumienty atrymaŭ. Što budu rabić, pakul nie viedaju. Ciapier adpačyvaju, kajf», — skazaŭ u svaim telehram-kanale Hienadź Tumiłovič.
Viadoma, što kolišni viadomy futbalist, a ciapier trenier žyŭ niekalki hadoŭ u Rasii, a ŭ studzieni pierad vybarami jeździŭ u Biełaruś mianiać pašpart.
U kłubie ź Izraila jon hulaŭ u 1999-2000 hadach.
Tumiłovič vystupaŭ za zbornuju Biełarusi ŭ pieryjad z 1998 hoda pa 2004-y, pravioŭ za jaje 32 matčy. Adznačyŭsia nie tolki hulniavymi jakaściami, ale i časta ekscentryčnymi pavodzinami jak na futbolnym poli, tak i pa-za jaho miežami.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2020
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki20
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary