Fejśfitnes i nitki dla padciažki tvaru nie pracujuć — płastyčny chirurh tłumačyć čamu
Časam papularnyja pracedury mohuć mieć advarotny efiekt.
Ci pracuje fejśfitnes
Płastyčny chirurh Ihar Mišuta kaža, što fejśfitnes pracuje ŭ admoŭny bok: spryjaje źjaŭleńniu novych marščyn.
«Mimičnyja myšcy nie treba treniravać, jany vielmi tonieńkija i ŭvieś čas pracujuć, kali my śmiajomsia, razmaŭlajem. Naadvarot, časam ich aktyŭnaść abmiažoŭvajuć z dapamohaj batulinaterapii. Mimičnaja myšca adnym kancom zaŭsiody ŭplatajecca ŭ skuru: čym bolš robim praktykavańniaŭ, tym bolš skaračajem skuru i atrymlivajem novyja marščyny», — kaža jon u intervju sb.by.
Nitki dla padciažki efiektyŭnyja?
Nie. Płastyčny chirurh tłumačyć: dla taho kab nitka pracavała, jana pavinna być žorstka zafiksavana.
«Naprykład, kali my robim chirurhičny liftinh, švy fiksujem da nieruchomych źviazak, jakija nie mianiajucca ź ciaham žyćcia. A nitka, jak praviła, heta struktura, jakaja znachodzicca ŭ padskurna-tłuščavaj klatčatcy. I žorstkaj fiksacyi ŭ jaje niama. Tamu vynik padabajecca ŭsim dva tydni, pakul trymajecca aciok. A potym bolšaść pacyjentaŭ adznačajuć, što nijakaha efiektu niama».
Nitki možna razhladać jak armavańnie tvaru. Naprykład, kali zrabili ultrahukavy SMAS-liftynh i praz peŭny čas pastavili nitki, kab jany ŭtvaryli sietku, jakaja paru hadoŭ padtrymlivaje tkanki.
Samaja papularnaja i efiektyŭnaja apieracyja pa amaładžeńni
Samaja papularnaja apieracyja, pa słovach Ihara Mišuty, — heta endaskapičny liftynh (ź minimalnymi razrezami vałasistaj častki hałavy). Tkanki, jakija apuścilisia, padymajuć tudy, kudy nieabchodna.
«Heta vielmi papularnaja apieracyja ŭ pacyjentaŭ, vykonvaju jaje jak minimum 3-4 razy na tydzień. Ale kali bačym značnyja liški skury tvaru i šyi, takoje ŭmiašańnie nie padydzie: heta pakazčyk, što treba pracavać bolš šyroka, užyŭšy kruhavuju padciažku tvaru», — adznačaje chirurh.
-
Naradžajecca mienš dziaciej, bo prablemaj stała začać. Voś što vyjavili apošnija daśledavańni, asabliva mužčynskaha zdaroŭja
-
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju
-
Lepš za lubyja kryžavanki. Dohlad unukaŭ ratuje mozh babul i dziadul ad stareńnia
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary