Tusk: Sietka Džefry Epštejna mahła być maštabnaj apieracyjaj rasijskich śpiecsłužbaŭ pa vierbavańni zachodnich elit
Havorka idzie pra viadomuju schiemu «miadovaja pastka», dzie vysokapastaŭlenych palitykaŭ i biznesmienaŭ dyskredytavali praz udzieł u złačynnych orhijach, kab paśla trymać ich na «kručku» Maskvy.
Premjer-ministr Donald Tusk zajaviŭ, što ŭ Polščy stvarajecca admysłovaja hrupa pa rasśledavańni skandału ź piedafilijaj u ZŠA. Achviarami złačynnaj dziejnaści piedafiłaŭ mahli być polskija dzieci, a druhaja pryčyna — vyklučna palityčnaja.
— Usio bolš śladoŭ, usio bolš infarmacyi, usio bolš kamientaroŭ u suśvietnym druku tyčycca padazreńniaŭ, što hetaja biesprecedentnaja piedafilskaja afiera była arhanizavanaja rasijskimi śpiecsłužbami, — tłumačyć Tusk.
Pavodle jaho słoŭ, heta prablema ciapier tyčycca «kožnaha ŭrada va ŭsim śviecie.»
— Heta pytańni pra toje, što my źbirajemsia z hetym rabić, bo z dnia ŭ dzień rastuć padazreńni nakont suviaziaŭ Epštejna i ŭsiaho hetaha piedafilskaha koła z rasijskimi śpiecsłužbami.
Spadar Epštejn, vidavočna, mieŭ nieabmiežavany dostup da vialikich hrošaj. Dahetul nie vyśvietleny krynicy i pachodžańnie hetych hrošaj. Jon supracoŭničaŭ ź vielmi mnohimi maładymi rasijankami, jakich jon schilaŭ da prastytucyi. Taki byŭ pačatak hetaha biznesu. Nichto nie moža adkazać na pytańnie, čamu heta było tak lohka, faktyčna ŭ śviatle pražektaraŭ, — skazaŭ Tusk.
Jon źviarnuŭ uvahu, što ŭ apublikavanych na hety momant dakumientach jość bolš za tysiaču dakumientaŭ, jakija niepasredna tyčacca Uładzimira Pucina.
— Viadoma, što Epštejn archivavaŭ usie svaje paviedamleńni, elektronnyja listy, dakumienty, archivavaŭ videaroliki i fotazdymki. Jon zapisvaŭ i zdymaŭ upłyvovych zachodnich lidaraŭ: prezidentaŭ, premjer-ministraŭ, kiraŭnikoŭ najbujniejšych suśvietnych kampanij. Usio bolš i kamientataraŭ, i ekśpiertaŭ miarkujuć, što vielmi vierahodna, što heta była padrychtavanaja apieracyja rasijskaha KDB — tak zvany «honey trap» (miadovaja pastka), sałodkaja prynada, pastka, rasstaŭlenaja na elity zachodniaha śvietu, hałoŭnym čynam Złučanych Štataŭ, — kaža Tusk.
U źlitych fajłach Epštejna ŭspłyła jašče adna biełaruska, madel i žonka futbalista — raskazvajem, što pra jaje viadoma
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
Zaviaščaŭ Karynie Šulak 50 miljonaŭ, a jaje baćka lotaŭ ź im na viertalocie za miesiac da aryštu. Što jašče stała viadoma z fajłaŭ Epštejna
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ76
Kamientary