Za tydzień u Biełarusi kolkaść zachvorvańniaŭ na reśpiratornyja infiekcyi vyrasła na 18 pracentaŭ
64,4% zachvarełych — dzieci, paviedamlaje Minzdaroŭja.
Adznačajecca aktyŭnaja cyrkulacyja virusaŭ hrypu A, pieravažna A(H3N2). Taksama ŭ krainie cyrkulujuć niehrypoznyja ŭzbudžalniki: mietapnieŭmavirusy, RS-virus, rynavirusy, adenavirusy, siezonny karanavirus, virusy parahrypu, bokaparvovirusy, virus SARS-CoV-2.
Ministerstva achovy zdaroŭja taksama dało šerah rekamiendacyj pa prafiłaktycy reśpiratornych infiekcyj:
— abmiažujcie (časova) naviedvańnie miescaŭ abo mierapryjemstvaŭ ź vialikaj kolkaściu ludziej u zakrytych pamiaškańniach;
— abmiažujcie kantakty z chvorymi ludźmi — biez asablivaj nieabchodnaści nie naviedvajcie palikliniki i balnicy;
— naviedvajcie chvorych svajakoŭ z vykarystańniem srodkaŭ abarony orhanaŭ dychańnia;
— vykonvajcie praviły hihijeny ruk — časta myjcie ruki z myłam, karystajciesia hihijeničnymi i dezinfikujučymi survetkami;
— rehularna pravietryvajcie pamiaškańni i pravodźcie vilhotnuju ŭborku, u tym liku z dezinfiekcyjaj pavierchniaŭ (telefony, stały, dźviarnyja ručki i inš.);
— padtrymlivajcie aptymalny ŭzrovień vilhotnaści pavietra ŭ pamiaškańni (40—60%): ciopły i suchi klimat u pamiaškańni — idealnaje asiarodździe dla chutkaha raspaŭsiudžvańnia virusaŭ;
— vykonvajcie «reśpiratorny etykiet» — prykryvajcie rot i nos adnarazovaj survetkaj pry čchańni abo kašli, nie dakranajciesia rukami da nosa, rota i vačej;
— pravilna padbirajcie adzieńnie dla vychadu na vulicu;
— viadzicie zdarovy ład žyćcia — śpicie nie mienš za 8 hadzin, paźbiahajcie stresaŭ i pieratamleńnia, zahartoŭvajciesia, zbałansavana charčujciesia.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary