За тыдзень у Беларусі колькасць захворванняў на рэспіраторныя інфекцыі вырасла на 18 працэнтаў
64,4% захварэлых — дзеці, паведамляе Мінздароўя.
Адзначаецца актыўная цыркуляцыя вірусаў грыпу А, пераважна A(H3N2). Таксама ў краіне цыркулююць негрыпозныя ўзбуджальнікі: метапнеўмавірусы, РС-вірус, рынавірусы, адэнавірусы, сезонны каранавірус, вірусы парагрыпу, бокапарвовірусы, вірус SARS-CoV-2.
Міністэрства аховы здароўя таксама дало шэраг рэкамендацый па прафілактыцы рэспіраторных інфекцый:
— абмяжуйце (часова) наведванне месцаў або мерапрыемстваў з вялікай колькасцю людзей у закрытых памяшканнях;
— абмяжуйце кантакты з хворымі людзьмі — без асаблівай неабходнасці не наведвайце паліклінікі і бальніцы;
— наведвайце хворых сваякоў з выкарыстаннем сродкаў абароны органаў дыхання;
— выконвайце правілы гігіены рук — часта мыйце рукі з мылам, карыстайцеся гігіенічнымі і дэзінфікуючымі сурвэткамі;
— рэгулярна праветрывайце памяшканні і праводзьце вільготную ўборку, у тым ліку з дэзінфекцыяй паверхняў (тэлефоны, сталы, дзвярныя ручкі і інш.);
— падтрымлівайце аптымальны ўзровень вільготнасці паветра ў памяшканні (40—60%): цёплы і сухі клімат у памяшканні — ідэальнае асяроддзе для хуткага распаўсюджвання вірусаў;
— выконвайце «рэспіраторны этыкет» — прыкрывайце рот і нос аднаразовай сурвэткай пры чханні або кашлі, не дакранайцеся рукамі да носа, рота і вачэй;
— правільна падбірайце адзенне для выхаду на вуліцу;
— вядзіце здаровы лад жыцця — спіце не менш за 8 гадзін, пазбягайце стрэсаў і ператамлення, загартоўвайцеся, збалансавана харчуйцеся.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая6
Каментары