Zatrymali machlaroŭ-«inkasataraŭ», jakija zabirali hrošy ŭ piensijanieraŭ
U Niaśvižy pažyłaja para stała achviaraj dobra pradumanaj machlarskaj schiemy i straciła amal 55 tysiač rubloŭ. Ciapier ludzi, jakija niepasredna zabirali ŭ piensijanieraŭ hrošy, zatrymanyja i dajuć pakazańni, paviedamiŭ Śledčy kamitet.
Pavodle danych Śledčaha kamiteta, dniom 12 śniežnia piensijanieru patelefanavali nieviadomyja asoby, jakija pradstavilisia supracoŭnikami «Biełpošty». Jany paviedamili pra nibyta list z padatkovaj inśpiekcyi i pad hetaj padstavaj vymanili ŭ mužčyny kod z SMS.
Paźniej ź im źviazaŭsia čałaviek, jaki nazvaŭsia bankaŭskim rabotnikam. Jon zapeŭniŭ, što piensijanier užo staŭ achviaraj machlaroŭ i, nie viedajučy pra heta, nibyta ŭdzielničaŭ u finansavańni teraryzmu. Paśla ŭ razmovu ŭklučyŭsia jašče adzin machlar — «pradstaŭnik Nacbanka», jaki pačaŭ pahražać kryminalnaj adkaznaściu i turemnym źniavoleńniem.
Situacyju jašče bolš abvastryŭ zvanok ad asoby, što nazvałasia supracoŭnikam KDB. Jon zapałochvaŭ vysialeńniem z kvatery i mahčymym afarmleńniem kredytu na imia paciarpiełaha. Kab paźbiehnuć prablem, sužencam prapanavali terminova «zadekłaravać» usie najaŭnyja hrošy.
Uviečary taho ž dnia pažyłyja ludzi addali ŭsie svaje źbieražeńni tak zvanamu «inkasataru». Nijakich dakumientaŭ im nie dali, spasłaŭšysia na toje, što ŭ Nacbanku takija daviedki nie vydajucca.
U vyniku machlary atrymali bujnuju sumu: dalary ZŠA, biełaruskija i rasijskija rubli, a taksama jeŭra — usiaho amal 55 tysiač rubloŭ u pieraliku. Užo na nastupny dzień złačyncy pierastali vychodzić na suviaź.
Paźniej udałosia ŭstanavić i zatrymać «inkasataraŭ». Imi akazalisia hramadzianie susiedniaj krainy, jakija ź minułaj vosieni rehularna pryjazdžali ŭ Biełaruś nibyta na zarobki. Śledstva vyśvietliła, što jany jak minimum niekalki razoŭ zabirali hrošy ŭ achviar internet-machlaroŭ.
Padčas dopytaŭ zatrymanyja pryznalisia, što vykonvali ŭkazańni kurataraŭ, atrymlivajučy zadańni praź miesiendžary. Dla maskiroŭki jany zdymali žyllo na karotki čas i pieramiaščalisia pa krainie na aŭtamabili.
Śledčyja ličać, što hetyja asoby — tolki častka bolš šyrokaj złačynnaj sietki, jakaja zajmajecca lehalizacyjaj vykradzienych hrošaj. Ciapier viadziecca pošuk arhanizataraŭ schiemy i inšych jaje ŭdzielnikaŭ.
Pryjšła ŭ bank, kab pieravieści 20 tysiač rubloŭ na zamiežny rachunak, ale supracoŭniki vyklikali milicyju
«Ja była jak pad hipnozam». Realnyja historyi minčukoŭ, jakich machlary prymusili pradać kvatery — adna sumnaja, druhaja amal ščaślivaja
Piensijanierka pa telefonie «aformiła» elektronnuju miedkartu i stała «ahientam śpiecsłužbaŭ»
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary
Mienavita
Ci mienty ci sacyjalna blizkija miascovyja