Pryjšła ŭ bank, kab pieravieści 20 tysiač rubloŭ na zamiežny rachunak, ale supracoŭniki vyklikali milicyju
U Minsku praduchilili sprobu vykradańnia hrošaj u dźviuch maładych dziaŭčat, adna ź jakich — niepaŭnaletniaja. Złačyncy vykarystali novuju viersiju staroj schiemy i amal vymanili ŭ dźviuch dziaŭčat bujnuju sumu hrošaj.
U milicyju patelefanavali z banka i paviedamili pra padazronuju apieracyju: uzrušanaja dziaŭčyna sprabavała pieravieści kala 20 tysiač rubloŭ na zamiežny rachunak. Na miesca adrazu vyjechała apieratyŭnaja hrupa.
Jak paźniej patłumačyŭ načalnik adździeła kryminalnaha vyšuku Centralnaha RUUS Minska Aleh Bialkievič, 19‑hadovaj minčancy patelefanavaŭ čałaviek, jaki pradstaviŭsia kurjeram viadomaha markietpłejsa, i paviedamiŭ pra dastaŭku tavaru. Dla paćviardžeńnia jon paprasiŭ dziaŭčynu nazvać kod z SMS, jaki pryjšoŭ na jaje telefon. Adrazu paśla hetaha dziaŭčynie patelefanavaŭ jašče adzin mužčyna — užo nibyta supracoŭnik milicyi.
Jon zajaviŭ, što jana tolki što razmaŭlała z machlarami, i pryhraziŭ joj kryminalnaj adkaznaściu.
Paddaŭšysia cisku, dziaŭčyna pahadziłasia vykonvać jaho ŭkazańni i zabrała z domu ŭsie najaŭnyja hrošy. Machlary taksama prymusili paciarpiełuju sustrecca ź inšaj achviaraj — 17‑hadovaj dziaŭčynaj — i zabrać u jaje hrošy baćkoŭ, kab paźniej pieradać ich «kurjeru».
Dziakujučy pilnaści supracoŭnikaŭ banka, jakija svoječasova zaŭvažyli padazronuju apieracyju i vyklikali milicyju, hrošy ŭdałosia kanfiskavać da taho, jak jany trapili da złačyncaŭ. Srodki viernuć zakonnym uładalnikam. Pa fakcie machlarstva ŭzbudžana kryminalnaja sprava.
Kamientary